عوفيني دربي صعب

هو / تعبان من الوكت ..
وتعبان من روحي ..
والصخر يبچي ويون ..
لو يحمل اجروحي ..
تعبان گلبي خلص ..
وماضل بعد بالعمر .. بس ونتي .. ونوحي ..
عوفيني دربي صعب ..
خايف يجيسچ تعب .. عوفيني وروحي ..

هي / شتريد اعوفك تظن ..
اگدر على غيابك .. ؟
مو روحي شجرة صبر ..
وانزرعت ابابك ..
انظر گضاني القهر ..
وصبرت گوه الگلب ..
يتحمل اصوابك ..
مية الف موته متت ..
لاتعتب اعله الگلب ..
دمرني اعتابك ..

هو / خليني وحدي احترگ ..
وخل ناري بيَّ تشب ..
وبظيمي اريد ابتلي ..
ولوحدي امشي الدرب ..
مالچ ذنب بالجره ..
يم وكتي كل الذنب ..
هو الاخذ فرحتي ..
وبناره چوه الگلب ..
نادم انا اعله الوكت ..
ونادم على اللي صار ..
اشوازاني وآنه ابنفط ..
واتگربت للنار ..
ومحتار أنا ابدنيتي ..
أو وياچ هم محتار ..
واشجابرچ عالقهر ..
بيَّ آنه وكتي اندار ..
عوفيني اريح الچ ..
وخلي المضى تذكار ..
هي / اشلون اعوف المضى ..
وياهو الينسيني ..
ولا آنه ارضى البعد ..
ولا روحي تنطيني ..
جيب اشمعندك صبر ..
بلكت يسليني ..
وهاك اخذ كل دمعي الك ..
هو اشبقى بعيني ..
وسفه اعله ذاك التعب ..
ما ترجع اسنيني ..
حسبالي توفي صدگ ..
وبحب توافيني ..
أشمدريني بعد الوفه ..
ابهجرك تجازيني ..

رووووووعه .. تسلم خيوو كلمات كلش حلووه
دمت بهذا الابداع
تحياتي ..
فلـــه

واو
راعه اخي
والله شعر روعه
ومؤثر
شكرا جزيلا

بسم الله الرحمن الرحيم
السلام عليكم ورحمة الله وبركاته
اشمحلى زير السلم... واشمحلى جلماته
لصوته بس استمع... ولو نص العمر فاته
بوركت على هالمشاعر الفياضة بالاحاسيس الجميلة

تسلم ياسالم ياابو ليلى المهلهل شعر جدا جميل رروعه

وك حبيبي ابو ليلى المهلهل0000
والله ماقريته غنيته بموال00وضليت اغني بيه يمكن احفظت 000
وووووووووووووووووووووووووووووووووووووووووووووووووو ووووووووووعه
واكثر من رائع 00
محاوره تنزل للكلب وتهيج اجروحه 000فارفقو بنا احنه اخوانكم يمعودين !!!!!!!!!!!!!!!
اخوك الصكر

حسبالي توفي صدگ ..
وبحب توافيني ..
أشمدريني بعد الوفه ..
ابهجرك تجازيني

تسلم على الكلامات الجميله