هو : عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه

هي : هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه

هو : الج بس انتي گلبـــــــــــــــي .. ورجيته
ودمع العـــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه

هي : رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه

هي : هجرك ياولف صايــــــــــــر .. بلا حد
مثــــل سيف اليگص رگبــــــــــه .. بلا حد
رحت وآنه انتظـــر ترجــــــــــــــــع .. بالاحد
اجه الاحـــد ويمتـه اتعود اليــه

هو : احد سچين صبري وچـــــن .. ولاحد
التفت وما شفــــت ربعــــــــــــي .. ولا حد
شچم سبت اليمــــــــر بيــــــــــه .. والاحد
اجي بس شوفتــچ تصعب عليه

هي : لتهم بالعمر خلصـــــان .. وحـــــده
وأنا ضعني سرى بالهــــــــوى .. وحــــــده
حلت جنها بعيونــــــــــك غير .. وحــــــــده
وگمت لاتسأل ولاتمـــــر بيه

هو : غيرچ ماحلى ابعينـــــــــي .. ولاطاب
ولا دونچ دخل گلبــــــــــــــــــــي .. ولاطاب
يجرحي وياچ ماهَّــــــــــــــــــــود .. ولاطاب
دم ينزف ولا تدريـن بيــه

هي : محبتك تجري وي روحــي .. ويدماي
وعليك انشلت اعظامــــــــــــــي .. ويدماي
انچويت أبأيـــــــــد أنا نـــــــــــاري .. ويدماي
ولكن مـــــن يطابگهـن سويه

هو : عليچ الروح راحــــــــــــت .. من يردهه
أوكيحه اهمومي صــــــــــــارت .. من يردهه
خطيه الروح ملـــــــــــــــــــــــت .. من يردهه
لأن بس الصبر لبس العليـه

تحياتي
.
.
فلـــه

الاخت فله ابوذيات رائعه
وشكرا لك
:66 (46):وننتظر المزيد:66 (46):
:66 (46):

الاخت فله محاوره جميله جداا
:66 (46)::66 (46)::66 (46)::66 (46)::66 (46):

http://img210.imageshack.us/img210/2944/aea3778f61gb0.gif

ابدعتي حبيبتي
ابوذذيات رائـــــــــــــــــعه

بانتضار المزيد
اختج بنت البصره

مو بس رائعه عاشه ايدج فله

أبو ذيات روعه عاشت الايادي أختي

عمي هاي موابوذيات هاي مصيبه00لو هذا الحجي لو نبطل نحجي بعد00
فله ابدعتي والله 000تقبلي مروري
الصكر

ابوذيات فله يافله رائعه بطلت بعد ما :66 (46):اكتب ؟:66 (46):

"]الله جميل جميل جدا يافله هذه الدارميات لاتنقطعي عنا بالتوفيق

المحاورة جميلة جدا شكرا فلة
ننتظر مشاركاتك القادمة

موضوعج جميل واسلوبك رائع يسلمو حبي

همس الليل