هسه العتب وياك ان اوانه
وعليك الليل كله انه وانه
يالتهدد بالنفاهه انه وانه
وينك مو طبك دهري عليه

وحك الي خلق بلكونين آلاء
مثل عين الغزالة عيون آلاء
امد ايدي عليهه اتكول اوه لاء
تأدب لا تمد ايدك عليه

ترف يالصورك ربك من العين
اخاف اعليك من تمشي من العين
انا معذور يمدلل من العن
ابوك الخلفك للناس اذية

صرايف عشك روحي وكصرتلك
ونفس وكت المنازع وكت صرتلك
طويل واعلى منك وكصرت لك
حتى تلوح من تبوس ادية

انصاب اللي نظرلك حمى لو شل
والشامت من جمالك حمل وشال
صدرك طكً اشوفة حمل وشال
أحضنك حتى لو صرت المنية ؟

من هجرك بقى الدلال بس تك*
لتلعب على الحبلين بس تك*
امس بالحلم مدري منين بستك*
لان كلك حلو وتاهت عليه

مره ابتعد عنك مرتاني
مره العسل منه مرتاني
مره بغفل بسته مرتاني
مره من الشفايف مرگصته
مره احجيله گصتي مر كصته
مره اشبع بطوله مركصته
ومره انطني روحي ومر اخيره
مره بدربي اول مر اخيره
مره نطيته فرصه مرخيره
اذا مايعتزل اعشكلي ميه

منقوله
تحياتي

تسلم 00وتسلم000وتسلم00
الله لا يحرمنه منك يا بعد روحي00
والله ابوذيات رائعه جدا00ونقلك لها دليل على ذوقك الرائع 000
تقبل مروري ارجوك 00
الصكر

شكرا على مرورك الجميل
وان شاء الله مانحرم منك
يا اخوي العزيز
تحياتي