المساعد الشخصي الرقمي

مشاهدة النسخة كاملة : حلم لو خيال يابصره


aliraqia
27-03-2008, 03:10 PM
شفت بصرتنه فرحانه وتلعب وي الاطفال
كَلت من كثر الحزن جنت وراحت منه بصرتنه
وكَمت اركض بالشوارع ورحت للاهوار
اصيح ضعنه من ضاعت مدينته
ولاكَتني وخجلت من سمار الوجه والعيون السود
لاكَتني بهل الثوب الاسود الصار رايتنه
وكلمتني بكل طيبه وحنان وجود
كالت هم انتي وي اعداي لدمعاتي منتضره
شتتو اهلي, وقتلو الشبان
حركَو اهواري وغربو ولدي
ومنتضرين دمعي وموتي بين اعداي
ويريدون بالحزن والنوح يكون ردي
لاوحكَ مكَطوع الجفوف
اجننهم من كثر قوتي وصبري
رديت فرحانه بكَلب حزنان
انه بنت ارضج,ماذكرتيني يايمه
رجعت اموت بحضنج من كثر الفراكَ
والبغربه ضاعت ارواح وضاع عمري
وجدي جوه تراب الغربه مدفون
كَبل مايشم هواج لحكَته المنيه
وخفت اموت بوطن الكفار
وقصة جدي هم تصير بيه
رجعتلج يابصره وبعد ماروح
البنيه التبجي كل ليله على فراكج هاي هيه
حضنيني يايمه وعوضي الراح
عوضيلي ذكريات الطفوله بالغربه ,,وصبري عليه
:4:
طارق حداد
27-03-2008, 07:15 PM
كلش حلوة كلماتهة نابعة من القلب تقبلي مروري
ابو علي الصكر
28-03-2008, 07:37 PM
العراقيه 00

كلشي ينكتب على البصره حلو 000والله لا استطيع ان اكتب لان ازيز الطائرات فوقي وصوت الرصاص يصك اذاني00شريد اكتب
ضاعت الكلمات مني ليس خوف لا ةالله لكن الحزن يافني وانا ارى حبيبتي 00امي 00امنياتي 00احلامي00كل شيء يتمزق ويصبح اشلاء00خمسة ايام من الحرب 00من قتال شرس لايرحم00قتال الشوارع الذي يحطم الاحلام 00اصبحت البصره ((هوليود ))اصبحت مسرح لتمثيل اصعب ادوار الاكشن00قذيفة رعناء سقطت على جارنا 00لا نستطيع انقاذهم 000ليش ياربي ليش 00هذه البصرة العروس 00وكل يوم نقول سنزف عروستنا 000
لكن بلا جدوى 00ماذا اقول سوى انالله وانا اليه راجعون 0000
والله والله سترجع البصره كما كانت وترجع ايامنا الجميله000
البصره اقوى من جلاديها00ودمتللعز ولوطنك العراق ولبصلرتك الجميله000
عبد القادر الزيناتي
30-03-2008, 06:11 PM
بصرتنه ما تموت وبيها الخير
بعدها ترفه وتتنج الجمار
ومنها اتعلموا اركوب الخيل
وخطوة الامام تستقبل الزوار(ع)
والحبيبة العراقية ساهرة بالليل
تتنطر يجيها بليل خطار
هي التعزب وتصيرن دليل
والزلم تفاكة تحمي للدار
ما ماتت البصرة وبيها انتوا
ومنها شاكر والفراهيدي باقي اثار
تحياتي اختي
اجبرت على الاضافة
ارجوا عذري فلم احتمل
الزيناتي
aliraqia
31-03-2008, 02:14 PM
كلش حلوة كلماتهة نابعة من القلب تقبلي مروري



شكرا اخي المحترم.
نورت.
تحياتي
aliraqia
31-03-2008, 02:18 PM
العراقيه 00

كلشي ينكتب على البصره حلو 000والله لا استطيع ان اكتب لان ازيز الطائرات فوقي وصوت الرصاص يصك اذاني00شريد اكتب
ضاعت الكلمات مني ليس خوف لا ةالله لكن الحزن يافني وانا ارى حبيبتي 00امي 00امنياتي 00احلامي00كل شيء يتمزق ويصبح اشلاء00خمسة ايام من الحرب 00من قتال شرس لايرحم00قتال الشوارع الذي يحطم الاحلام 00اصبحت البصره ((هوليود ))اصبحت مسرح لتمثيل اصعب ادوار الاكشن00قذيفة رعناء سقطت على جارنا 00لا نستطيع انقاذهم 000ليش ياربي ليش 00هذه البصرة العروس 00وكل يوم نقول سنزف عروستنا 000
لكن بلا جدوى 00ماذا اقول سوى انالله وانا اليه راجعون 0000
والله والله سترجع البصره كما كانت وترجع ايامنا الجميله000
البصره اقوى من جلاديها00ودمتللعز ولوطنك العراق ولبصلرتك الجميله000



كلماتك بجني
والله احس بالذنب...مو سهل الواحد يشوف اهله واخوته هيج وهوه مرتاح..وما يحس مثلي
ماكو باليد حيله الا الدعاء انو ترجع البصره
دمت بعين الرحمن التي لاتنام انته وكل احبابك
اختك المغتربه
aliraqia
31-03-2008, 02:19 PM
بصرتنه ما تموت وبيها الخير
بعدها ترفه وتتنج الجمار
ومنها اتعلموا اركوب الخيل
وخطوة الامام تستقبل الزوار(ع)
والحبيبة العراقية ساهرة بالليل
تتنطر يجيها بليل خطار
هي التعزب وتصيرن دليل
والزلم تفاكة تحمي للدار
ما ماتت البصرة وبيها انتوا
ومنها شاكر والفراهيدي باقي اثار
تحياتي اختي
اجبرت على الاضافة
ارجوا عذري فلم احتمل
الزيناتي





تسالني اعذرك على كلمات عل البصره؟؟؟
بالعكس نورت اخي مشكور
تحياتي