بعهد صدام جام البيت مكســور
ومن البرد ليلـــــــــــك ما تنامه

هسه البيت زين وصار بيه جام

بس كلب العراقي انكــسر جامه

الكراسي كاعده فوك الـــكراسي
لان ماكو زعيم ولا زعامــــــــه

ذله بذلة نكضي الليل ما ننــــــام
والبصبح بالمدرسه ندرس كرامه

ووالدنه الوطن بابا نــــــــــسميه
شو بابا عدل وحنة يـــــــــــتامه

عجيب شكد ايمة يا وطن بيــــك
ووجهك للرحم ما بيه علامـــــه

عجيب وبيك ابو فاضل العباس
عند جف ولا عندك شهامــــــه

ممنوع التجول يا وطن بيـــــك
لان حتى الدرب ساحب اقسامه

وشمل منع التجول حتى العظام
والدم ماكدر يمشي بعظامــــــه

حمام الناس ونته يا وطن حوم
منك ما اظن تسلم حمامــــــــة

انت بروفيسور بقبض الارواح
وعزرائيل الك دنك الهامـــــــه

يوميه قيامه يا وطن بيـــــــــك
اذن كلش سهل يوم القيامـــــه

العزيز براق النادر00

والله الوطن مسكين لكن اه اه اه 00

الشمس بعده تطلع الصبح وتغيب بالليل00لازال شتاءه بارد 0وصيفه حار0وترابه كحل للبيه رمد اوميشوف00لكن شرد اسولفلك يبعد الروح0 اسولف لك عن الينصفون000

هذه ليست قصيده بل هي موضوك ويحتاج الى نقاش طويل0000 طويل0000 طويل00

عزيزي النادر قصيدتك او موضوعك هيج كل المواجع علينه0000

لك مني احر الاشواق 00

مشكور ياخي براق النادر علي هذا الكلام ولاكن ياخي ليس شرط ان بعد الليل ياتي النهار فمن الممكن ان تقوم القيامه وهذا ماحدث
عموما ياخي اختلاف وجهات النظر لايفسد للود قضيه
دمت ودامت عراقنا حره وابيه