شوف البلاوي بعينك
مر بيها ..غمض وسلم:77 (9):
ولا تعترض وتصيح
ولك دمشي ولا تدردم
تراهم يشوفوك الربع
متعرفه.. سكران لو مبرشم
لو ميعرف ينام وينرادله يشرب منوم
خوية دمشي ولا تدردم
لا تتعجب حبيبي من الوضع
قومة سباع سبع ياكل سبع
ما تدري منهو الاسد بيهم
لو ياهو ثعلب لومنهو ذيب لو ضبع
كلها اسنون وتعض ما بيهم احد يفتهم
ابني دمشي ولا تدردم
شو ف بفلسطين شصار
ثوار تقتل ثوار
كلها تنادي بالثار
ولحم اولادها بارودهم يلهمهم لهم
عمي دمشي ولا تدردم
غربة العراق اخذوه
ما تعرف خاله ..من ابوه
امريكي نغل.. لو عجمي جابوه:66:
مثل البغل من امتحنوه
منو ابوك ولك
كال الحصان خالي روحوا سالوه
ودخن تلهم حسبالك تاكل بسمسم
خالو دمش ولا تدردم
برلموه للبرلمان بكيفهم
ياهو الموافج ع القرار بسيفهم
هذا باسم الحزب سب وشتم
والاخر بروس الاصابع راتب عالي يستلم
واحد يعيط هناك شوفه ديدردم ادردم
ولك دردم للصبح دردم
بوية دمشي ولا تدردرم
دردم منو يسمع الك
بظلمة ترقص وبمنزلك
ولك بالدردمة تدور بفلك
من قبلك الدردم هلك
وانت علدردمة مصمم
عيني دمشي ولا تدردم
لا تدردم وتحكي سياسة
وباللبس.. كلمن مقاسه
عربي انت وتملك فراسة
وبالمضايف شيخ ومعلم
شيخ دمشي ولا تدردم
لا تدردم عللي صار
قبلها جنت بحصار
غلقوا اعليك البحار
وخطوط رسمولك دترجم
موكالولك امشي ولا تدردم
ماشي انت واني ادري
ما بيدك توقف بظهري
بالدردمة موخلص عمري
ولاضعف الايمان اسلم
دردم شمابيك دردم
عليه لصوتك بالدردمة
بلكن تجيلك مكرمة
طحين حنطة وغنمة
وسيارة وسيدي وياه احلى فلم
بس اسكت ولا تدردم
ولك انا امشي وماراح ادردم
بس الحقيقة صدق مو مثل الحلم
والدردمة مو شيمة كبار وزلم
لصرخ وصيحن انريد امان ويا سلم
لك اسكتت وما راح ادردم


الزيناتي

زيناتي العزيز 00

والله دردمنه اهواي او مافاد التدردم00

دردمت مره بحياتي واردت اموت من الدردمه كالو هذا يحجي على الحزب الفلاني وسكتت000

لان ثمن الدردمه الموت الحقيقي00

مع كل الحب لك اخي العزيز 00والله انك مبدع

شكرا اخي العزيز الصكر
وفعلا مثلك دردمت بالسبعينات اتهمت تهمة هي والاعدام اصمله عليك
بس مشكلة هم بقيت ادردم لحد ما طلعت من العراق ثم ارجعت ادردم بس بالقلم
شكرا لمرورك الذي نور صحيفتي
الزيناتي