طولج نهر دجلة وشعرج الشلال
وانه الوادي التصب الماي بجروفه
ينزل جن حمامه مفاكدة الكيعان
محتاجه لحبيب ادون حروفـــــــــــه
تحت رمشج اشوف البصرة وي كركوك
ايد بايد متعنيات للكوفـــــــــــــــــــه
وشفافج مشابك ورد وي توت
جن معمل عسل والجرة مزروفــــه
جن فيروز صوتج وانتي هوسة عيد
وجاهل عيد كلبي تعطر بحبـــــــــج
يا رقة وجمال وعاطفة وتاريخ
ويالعطر الورد ينصاغ من عطــرج
على صدرج موج البحر ينقاس
وبنصهن سهل لليعبر لكلبـــــــــــــج
يالكلبج قصر جمهوري محاوط بحراس
الج يتربع كمرنه يعاين لخصــــــرج
ويكسب كل ضوه من شمس خدينج
وينام بعينج اليحرسها منجــــــــــــل
ادوخ من اشوفن لمعة المرمر على الركبة
واتمرجح اكلادة ابين تيل و تـــــــــل
واطيحن حيل واتعثر انه وكاعد
لون شفتج تصيح اسمي بخجل منهل
ولون عينج تغيب بلحظة عن عيناي
جن ورقة خريف بكاع اتحــــــــلل