شرعنـه الاقـلام بوجـه كـل جـلاد


المنصه انطت جهـاد لكـل سراياهـه


لان بغداد تنزف خفنـه خـاف اتمـوت


قصايدنـه الجديـده بـدم كتبنـاهـه


تعبت عاصمتنه الطاهـره مـن الظيـم


وجت توكع امـس واحنـه الحكناهـه


ما بعناهه ابد واحنه اعله هـذا الحـال


وبدمنـه اشكثـر يامـه اشترينـاهـه


الشوارع جي نحبهه ويمهه مر المـوت


سحكنه اعلـه المنايـه وماسحكناهـه


انكسر ظهر الرصيف العاصمتنه اغتاض


من شاف الهمـر داسـت ثناياهـه !!!


دجله اشكد بجت مـن عاينـت بغـداد


وكفت عالجسـر تحسـب ضحاياهـه


هذا اهنا طفل وهتـاك يمكـن شيـخ!


هاطـاحـت ابنـيـه وماسترنـاهـه


تحشم بينه جانـت واحنـه ماداريـن


صاحـت وينكـم بـس ماسمعنـاهـه


امـس ام الايتـام البسطـة بالسـوك


بعلاكتـهـه ردت كــل بقـايـاهـه


بشيلتهـه وصيـه انكتبـت لبـغـداد


وتالمنـه اشكثـر لـمـن قرينـاهـه


امانـه ايتامـي عنـدج يمـه يابغـداد


وتنخـت بالشـرف يستـر نثايـاهـه


مذبوحـه المـدارس والعلـم مخنـوك


ودورنــه الصـفـوف ومالكينـاهـه


مو رفعة علم بس شفنـه رفعـة روس


انرفعـت مارضـت ينـداس فوكاهـه


وروس اطشرت بالصف على الرحـلات


مـو فـوك الرمـح عالقلـم شفناهـه


جفنهم صار زيهـم والجنـط تابـوت


اتصـور باالجنـط طـلاب شلنـاهـه


وجثثهم مـو ابمـاي اكرامـا لبغـداد


بدمـوع الوطـن لـمـن غسلنـاهـه


الغنائم بس حلمهم والاحـلام اتعيـش


ودفنـه اجسادهـم بـس مادفنـاهـه


قضيـه اتحولـوا وبكصـة التـاريـخ


وقصتهـم فـرض كـل يـوم نقراهـه


كلب الام تحـرك مـن مشـه الجنـاز


شك صـدره وطلـع للمكبـره وياهـه


وفـاءا" للوطـن والعلـم والتـاريـخ


محاضرتـه الاستـاذ امكبـره انطاهـه


امس بالجامعات انفجع كلـب المـوت


البراءه امطشره اعله الكـاع شفناهـه


واحدهـم ذهـب ومطـرز بيـاقـوت


ومـن كـد مابـري المـوت بجاهـه


سبـب حبـه لان متمـسـك ابـغـداد


مـو مثـل المشـه وبالظيـم خلاهـه


اهلهـه امهجريـن لسوريـه وعمـان


ويحامـي الولدهـه الجـان بحماهـه


يصـدق علـيـج شـلـون يابـغـداد


هـذا الجـان بسمـج كبـل يتبـاهـه


تاج اعله العروبـه اظـل بعـد بغـداد


اوطنه بكـل فخـر عالـراس شالآهـه


يلا انشد حزمنـه وخـل نلـم النـاس


وتـرد عاصمتنـه وكـل سبايـاهـه




علي الملا الخزاعي

__________________