انه راية الله اكبر .. انه العراقي والكل يعرفوني
انه اللي سهرت لأجلكم وما يوم غمضت عيوني
انه اللي رفرفت فوك الرماح والكل يهابوني
انه اللي حاربت كسرى المجوس واليوم تعادوني
انه اللي وكفت بوجه اليهود وما كدروا يلاووني
انه اللي حضنت كل شهيد .. وياه دفنتوني
انه اللي وكفت وياكم بالفرح .. وبالشدات تنخوني
انه اسود بوجه العدا .. وابيض بوجه اللي يحبوني
انه احمر بدم الشهيد ..واخضر من زرعتوني
انه عمري ما تغيرت وما بدلت لوني
ياما فوك روس العدا انتو رفعتوني
شنهو التغير بيكم تردون تنزلوني
انه اللي رويتكم بالصبر هيجي تجازوني
عطشان وغريب بلا وطن وحدي تركتوني
عراقي اني وبعناد اللي يريدون يبدلوني
اسألوا اطفالكم .. وخليهم يوصفوني
ادري يكلون العراق اول ما يشوفوني
ما اريد الأنذال .. ما دام ما يريدوني
ولا اريد اصير الهم ولا اريد يمثلوني
اهل الغيرة بيه يتشرفون وهمه يشرفوني
لو بعدت عنكم يوم مغصوب اعذروني
لا انه اريد البعد ولا اريد تنسوني
وادري بكلب كل عراقي مرسوم تلكوني
انه راية الحق .. الله اكبر .. بكل ديرة رفعوني
:66 (46)::66 (46):تحياتي نورس العراق:66 (46)::66 (46):

عااااااااااشت ايدك على هذا الكلمات الي صدك ما اعرف شنو اكول
بس اكول هذا علمنا
اللي سهرت لأجلكم وما يوم غمضت عيوني
ا اللي رفرفت فوك الرماح والكل يهابوني
ا اللي حاربت كسرى المجوس واليوم تعادوني
ا اللي وكفت بوجه اليهود وما كدروا يلاووني
ا اللي حضنت كل شهيد .. وياه دفنتوني
ألف شكر الك

منورين القصيده بردودكم اخواني

والله يا خوي ما اعرف شكولك

ات هيجت الجرح اكثر واكثر

والله الدموع اتصب من العين اثناء الرد

الله يحفظك ويحفظ العلم والعراق العظيم

راا-------------------ءع.
خاصة اني ضد التغيير للعلم.
مشكوور

ينطيك العافيه على هالقصيده الي خلت الدموع تنزل من وحدها بس اريد اكول كلمه للي يريدون يغرونه هو بس العلم انعدمو جواه العراقيين لو حتى القصور الي سكنوها ومو قابلين يطلعون منها لو الي يريده الشعب غير وشكرا

والله والله ما اعرف شلون اعبر عن مشاعري من قريت الشعر ...... بس بأختصار اكولك عاااااااشت ايدك يارب وانشاء الله تكتب اكثر واكثر لان كلماتك هاي اتعبر على الي بقلب كل عراقي واتمنالك التوفيق يااااااارب (روعه العجيلي)

مشكور اخي نورس على القصيده