السلام عليكم ورحمة الله وبركاته

بروي لكم حكاية صديقان فقراء كانو يعيشون بقريه صغيره .ماني عارف أساميهم بس خلونا نقول

حاتم و أسامه.

قرر أسامه يسافر. للعمل وكسب المال... سافر وإستقر بقريه ماهي بعيده مره عن قريتهم

إشتغل باالتجاره نجح وصار غني مررررره.

خطب أجمل بنت في القريه وقرر يتزوجها.

فقال خليني أرسل رساله لصديقي حاتم أخبره بكل شي صار لي

وصلت الرساله لحاتم. وعلى طول حجز على أول حصان ووينك يا أسامه

وصل حاتم ورحب فيه أسامه وأكرمه بالمال.

وفي يوم من الأيام شاف حاتم خطيبة أسامه وهو يتمشى بالسوق أعجب بها ولحقها الين

عرف البيت .

راح لصديقه أسامه وقال له شفت اليوم بنت تاخذ العقل وابي أخطبها . قال أسامه دلني على

البيت وانا أخطبها لك.

أخذ حاتم أسامه عشان يدله على البيت . إنصدم أسامه يوم شاف البيت وقال في نفسه يعني

ماجت عينك الا على خطيبتي.

صاح عليه حاتم وقال وشفيك هذا البيت.

طالع فيه أسامه وقال مالك إلا من يزوجك ياها.

المهم راح أسامه لأ بو البنت وقال له يا عم.. . لي صديق الله العالم إنه أطلق مني .. ورجال

كفو يستاهل انه يكون زوج بنتك.

وافق الأب وتزوج حاتم خطيبة أسامه سابقا .

ودع حاتم صديقه أسامه وأخذ زوجته ورجع لقريتهم متزوج وغني من خير صديقه أسامه.

مرت السنين وفي صفقة خسر أسامه كل ثروته ولا عاد يملك ريال واحد. فقال مالي إلا الله ثم

صديقي حاتم.

سافر أسامه لقريتهم القديمة لكي يطلب صديقه حاتم المساعده. وصل أسامه إلى القرية فسئال

عن بيت صديقه حاتم.

إستقبله حاتم ببرود حتى ماقاله تفضل. فقال له أسامه أريد منك المساعده لأنني خسرت جميع

أموالي.

فقال له حاتم لا أملك شيء . لكنني سأدلك على كوخ مهجور يقع بجانب السوق إقضي الليل فيه

والصباح إشتغل بالسوق وربك يفرجها.

ذهب أسامه للكوخ اللي قال عليه حاتم. فرش فراشه ونام على طول من معاناة السفر . شوي

ويدخل على أسامه شخصين ويحملون معهم صندوق. صحي أسامه على صوتهم وأول ما

شافوه إختفو على طول وتركو الصندوق

طلع أسامه ينادي عليهم مالهم أثر. رجع أسامه وفتح الصندوق فوجد به مالا لا يعد ولا يحصى.

فجلس يفكر لمن هذا الصندوق ومن هؤلاء. وبينما هو يفكر دخل عليه عجوز ومعها أبنتها

الجميله ..

سلمت العجوز على أسامه وقالت من أنت ومن أين أتيت ...؟

رد عليها أسامه السلام وحكا لها قصته من البدايه للنهايه فرحبت بأسامه وقالت له نحن مثلك

نسافر من مكان لمكان نبحث عن العمل فقال أسامه وماهو عملكم...؟ قالت العجوز خادمات .

فقرر أسامه أن يتزوج إبنة العجوز ويأخذهم معه.

طبعا إشترى أسامه بيت في القريه أحسن من بيت صديقه حاتم . وصار من أغنياء

القريه.

وفي يوم من الأيام طلعت مع أسامه فكره إنه يعزم كل شيوخ القريه ومن ضمنهم الشيخ حاتم

ويفضحه أمامهم.

عزم أسامه كل شيوخ القريه وصديقه حاتم . حضر الجميع وبعد العشا قام أسامه وقال وش

رايكم ياشيوخ في صديق قصته كذا وكذا عطاهم السالفه من طقطق لسلام عليكم قالو الشيوخ

هذا خسيس واللي يقول مايستحق انه يكون رجال وقامو يسألون من هو الرجال.

قام حاتم بوسط المجلس وقال أنا الصديق اللي يقول عليه . لكن لا تلوموني قبل ما تسمعون

وش سويت أنا معه.

طالع في أسامه .. وقال له يا أسامه الشخصين اللي دخلو عليك بصندوق المال أنا اللي

أرسلتهم لك.

والعجوز اللي تزوجت بنتها تصير أمي وانا اللي أرسلتهم لك.

وسلامتكم

ممكن تفسرون لي ليه حاتم سوى كذا مع أسامه

تحياتي

مرسي خووي نورس على القصه الرووعه