المساعد الشخصي الرقمي

مشاهدة النسخة كاملة : قصيدة شده ياورد


الشاعر شاكر الشمري
03-02-2008, 06:36 PM
شـــــــــــــده يـــــــــــــاورد



0000000



شــده يـــاورد اتـذكــر مـــن ازمـــان



وجـنـه اطـفـال اذكــر مــن لعبـنـاهـه





وجانت احله شده وبيهه احلـه ورود



محبـه وصحبـه وي الطيـب تلكـاهـه





ومن هيه الورد مو مهم كلهه اورود



لعبنـاهـه ســوه وعالفـطـره كلنـاهـه





شــده يــاورد جـانـت تـشــع احـــلام



احـــلام شـكـثـر مـانــدري مـعـنـاهـه





احـلام ابــراءه وتفـتـر وي الـصـوت



تكـبـر وي عمـرنـه ونـكـبـر ويـاهــه





ورسمناهه سوه بعين الشمس تذكار



اذا ننسـه الشمـس فـد يـوم ننسـاهـه





واحـلام شكـثـر طشيـنـه وي الـريـح



زرعناهـه نعـم بـس مــا حصدنـاهـه





ماندري الزمن ضملهـه جـف المـوت



وشــــده يــــاورد طــشــار خــلاهــه





شـــده يـــاورد بشـفـايـف الـحـلـوات



خــوف اتحـولـت والـمـوت غـطـاهـه





منهـن حلـوه جانـت تحـلـم بعـريـس



فـارس بابلـي علـه احصـان خـلاهـه





وتحقـق حلمهـه بعـرس وي المـوت



وحــــزام الـمـفـخـخ هــــوه زفــاهــه





وحـده بجامعـه جانـت تريـد اتصـيـر



دكـتــوره امـلـهـه وحــلــم مـبـغـاهـه





قبلـتـهـه المـقـابـر بامـتـيـاز اهـنــاك



بدمـهـه اتوقـعـت والـمـوت خطـاهـه





وشده ياورد من عدهـه خـض شـاب



اجـتـه الطائـفـيـه وسـكـتـت صـوتــه





سوتله جفن باثيـاب عرسـه البيـض



وباخشـاب العـرس صنـعـت تابـوتـه





وشده ياورد نلزم سـره علـه المـوت



بـس ويـن شوكـت مانـدري بالموتـه





وشده ياورد صوت الشعـب ماصـاح



لسـان الشعـب يمكـن بلعتـه الحوتـه





وشـده يـاورد هـذا الشـعـب مسكـيـن



بـاكـو خـيـره كـلـه وفـرهــدو قـوتــه





وشــده يــاورد مثـلـه ابـــد مـاصــار



يـسـبـح بالـنـفـط ومـهـدمـه ابـيـوتـه





وشده ياوطـن خلينـه حزمـه انصيـر



نهـد صـرح المنايـه مـن نـرد حزمـه





ومثـل ماجنـه نلعـب خـل نـرد اردود



وعلـه جنـاح الحمـام نطيـر للنجـمـه





وخل نزرع ورد موكافي نزرع خوف



وخل انطش ضحـك ونـوزع البسمـه





وخـل نبنـي وطـن الله واكبـر صــاح



مــو كـافـي وطـنـه وبيـدنـه انهـدمـه





هـذا الوطـن ذمـه بـشـارب الطيبـيـن



وزخمـه الـشـارب المايحـمـل الـذمـه






*********
نورس العراق
07-02-2008, 03:40 PM
تسلم ياورد على الكلمات الجميله
الشاعر شاكر الشمري
07-02-2008, 06:38 PM
نورس العراق
من لونك الابيض الجميل نرفع راية الحب والسلام
وانت ورده جميله من شدة الورد
لك اجمل الحب
ستار العزاوي
12-02-2008, 11:10 AM
مشكور اخي الشاعر على هذا الاحساس الرائع تجاه وطننا الغالي

( كلبي عليك خايف ياعراق الخير
من غيم الفتن ونياب الذيابه )
الشاعر شاكر الشمري
17-02-2008, 02:24 PM
سيبقى العراق كبيرا مادام هناك
ابناء برره مثلك اخي الفاضل
اسعدني مرورك الكريم تقبل تحياتي
اخي ستار
سلام الدراجي
19-02-2008, 03:50 PM
تسلم ياعراقي ياشريف على هاي القصيده الجميله ولله انت شهم
الشاعر شاكر الشمري
10-04-2008, 07:57 AM
الزير روماني
لاينطق بالشرف الا من كان شريفا
انت الشرف اخي الفاضل
ممنون للمداخله