زمان صباي كوطر وله جنه
وصرت مثل اليتيم الوله جنه
عفتنا يا مدلل والله جنه
انتباها بيك من دون الملا



ذبحتونا يبو كذيله بلا موس
وهمت مجنون من ضيمك بلا مس
احبابي من ذكرناكم بالامس
بجينا دموع بللنا الثياب



ابد ملكا مثايلهم بالاجرى
وراهم اتعبت جدمي بالاجرى
يوينه اليوصل كتابي بالاجرة
بشير الخير لو ردلي الجواب

عكب طيب الليالي مرمرني
سنين السعد راحن مر مرني
كوس الشهد زادي مامرني
حنضل صارن بفركا الاحباب




الوكت وكعنه وكنعه وكلبنه
وابد مايوم على غالي كلبنه
احنه ضلوع الك وانت كلبنه
وانخاف اعله كلبك من كل اذيه
.
علي يالطلك الدنيا ومردها
اجيتك والمرض روحي مردها
امد ايدي على شباجك مردها
بجاه حسين مد ايدك عليه



يناعي لو شفت شيعة وسادة
أخبرهم بالجرة علينا وساده
حسين الرمل صايرلة وساده
ثلث أيام مرمي عالوطية..


حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية
ـــــــــــــــــــــــــــــــ
منقوله
ـــــــــــــــــــــــ
وشتريدون اني حاضر
تحياتي