جمع بينهما الحب بعيد عن اعين الرقباء فقال له

هي \ منهو اليبيع الدموع واداين منين
جن الفراك اسنين ما جنه يومين

هو\ ياترف اجيت بخوف عالجمر ماشي
وادرب خو تدرين بكل شبر واشي

هي\ الله على الواشين يكطع نسلهم
حركو كلبنه ابنار ويانه شلهم

هو\ اشلنج يابعد الروح وشلون امورج
كل ليله بالعباس بالطيف ازورج

هي\ جي انت تشبع نوم تلكاني بالطيف
والنوم اجيبه امنين واتعنه الك ضيف

هو\ شيصبر الدلال لو غبتي عنه
حتى ابليلي العيد ما ضحك سنه

هي\ ليلة امس يهواي ذبلت اجفوني
حتى عرفت للدار خطابه اجوني

http://img168.imageshack.us/img168/2964/ashkraradio1100460338mb3.jpg