السلام عليكم ورحمه الله وبركاته.......طلب صغير اريد من الجميع المشاركة بالدخول اريد من الاعضاء الدخول والمشاركة اريد من كل عضو يدخل يكتب طريقة الدولمة بمنطقتهم شون يسووهة بالتفصيل .....اسدبغداد

مرحبا اني من محافظة السماوة احنة نسوي الدولمة بالسلك او بوق العنب 2 كوب رز و طماطة مفرومة ناعم بصلة كبيرة مفرومة ناعم شبنت مفروم لحم مفروم و ملح وبهارات السبعة وكركم و معجون طماطم
نلف الدولمة على شكل اصابع و نوضعهة بالقدر و نوضع عليهة طبق وماء ونتركها على النار 15 دقيقة و بعدها نقلل النار ..........حنين السماوة

السلام عليكم ورحمة الله وبركاته
اخي اسد بغداد اني دولمتي جامعه بين البصره وبغداد
ولتكولي ليش لان اذا عرف السبب بطل العجب
مقاديري هي:
3 اكواب رز+ كيلو لحم مثروم+ ربع كيلو ليه مثرومه+ كوب باقلاء مثرومه خشن+ نصف كوب شبنت مثروم+ بصله متوسطه مثرومه ناعم + 3 فصوص ثوم مثروم ناعم+ بهارات دولمه (وتوجد جاهزه في السوبر ماكت)+ 2 ملعقة طعام معجون طماطه+
ليمون دوزي+ ربع ملعقة طعام سكر + ربع ملعقة طعام ملح ويتخلط جيدا

انا استخدم ورق العنب او السلق او اوراق اللهانه وكذلك البصل للتحشيه
الطريقه:
اضع مقدار نصف كوب من الزيت في قدر كبير واصف عيدان السلق اذا كان المستخدم للف الدولمه السلق
اما اذا كان المستخدم اوراق العنب فأضع اضلاع الخروف واسطرها في القدر
ثم ابدأ بتحشية ااوراق البصل اولا وصفها في القدر
ثم احشي اوراق السلق او اوراق العنب حسب المتوفر واصفها فوق البصل
وكذلك حب الرغبه يمكن ان نحشي بطاطا متوسطه بعد ان نحفرها وكذلك الطماطه بعد حفرها وتفريغها
بعد ان اكمل جميع المقادير
اضع صحن ثقيل نوعا ما على الخضروات الملفوفه او الدولمه قبل طبخها
ثم اضعها على النار الى ان يمتص جميع مائها
في هذه الاثناء اكون قد حضرت الصلصه التي سأطبخها بها
وهي عباره عن : كيس من التمر هند منقوع بماء فاتر واقوم بعصره باليد لاستخراج ماءه
وبعدها اقوم بتصفيته ورمي النوى والقشور والاستفاده من الماء الصافي فقط
بعدها اضيف له ملعقتين من معجون الطماطه وقليل من الملح والسكر حسب الذوق
واصبه فوق الدولمه واغلق القدر بأحكام واتركها على النار الى ان تمتص جميع الصلصه ثم اهدأمن النار واتركة( يتسكر)
ثم تقلب في الصينيه وتقدم بشرط ( قبل ان نقبلها يجب ان نخرج الطماطه في صحن لانها لا تتحمل )
والله ياخويه شهيتني بالدولمه يجوز باجر اسوي دولمه
انشالله اكون قد افدتكم
تحياتي

موضوع مميز وفكره رائعه
شكرا لك على الموضوع
مع تحياتي وتقديري لك

اويلي عالدولمة اموت عليها بس اعذرني اني مااعرف شلون يسوون الدولمة عدنا بالموصل بس اعرف اكلها ههههههه موضوع جميل يسلمو

انا اسوي دولمه تخبل وين ما اروح يطلبون مني دولمه اهم شيئ اكثر بيه الحامض الفلفل الحار اذا تحبون اسويلكم اني با الخدمه

انی ماعرف اسوی دولمه بس راح اجرب وان شاءالله تطلع طیبه مشکوره

ام فيصل الحبيبه دولمتج اتخبل واني ايضا اعرف اسوي دولمه ودولمتي معترف بيه بيبن الاهل والاصدقاء لكن اتعلمت منج شغله ما اكلج اياه عاشت ايدج حبيبتي

ام فيصل الحبيبه دولمتج اتخبل واني ايضا اعرف اسوي دولمه ودولمتي معترف بيه بيبن الاهل والاصدقاء لكن اتعلمت منج شغله ما اكلج اياه عاشت ايدج حبيبتي


اسماء شنو خلطتي بيني وبين ام فيصل؟؟ ههههههههههههه
يله ماكو فرق اني وام فيصل ان شاء الله واحد
بس مكتيلي شنو هو الي اتعلمتيه من طريقتي ؟؟؟
اموت واعرف هههههههههههههههه
تحياتي حبيبتي

ام علاوي حبيبتي اسفه صدك واحد ومراح اكلج شنو اخليها حصره بس اني احط بمكان التمر هند قليل من شراب الرمان المركز للدولمه وللقيمه تطلع روعه وتسلمين ام دم العسل

هههههههههههههههههههههه
اسماء مدام متكوليلي لعد عندي سر بعد مااكولج بيه
ولو هو اهم شي عندي انه طريقتي عجبتج هذا كولش كافي
منوره ياطيبه
قبلاتي

واني دولمتي اسويها من السلق وورق العنب
والطماطة والفلفل والبصل يعني كلشي وكلاشي
اتفنن بها لان احبها واكلتي المفضلة

http://www.hanein.info/vb/imgcache/11/84626_hanein.info.JPG

جرح منوره حبيبتي
واني هم اكلتي المفضله هي الدولمه
وهذي الصينيه اني سويتها بسفره من سفراتنا

http://up.foraten.net/uploads/1866c0a947.jpg

وطالعه ايد علاوي ابني لان روحه بالدولمه وده ياكلها وهي بالجدريه
ميصبر اني اصور وهو ياكل
ان شاء الله تعجبج دولمتي شكلا وليس طعما ههههههههه
لان اكو مثل يكول العين تاكل قبل الحلك مووووو هههههههههه
تحياتي عزيزتي

موضوع روعه واني احب اكله وخاصة من ايدين امي وشكرا لكي