جاوب و ورط إلي بعدك ؟؟؟؟؟ [الأرشيف]

بنت الزهراء

07-12-2007, 04:25 AM

السلام عليكم .. شلوونكم ؟؟

إن شاء الله زينين ؟؟

إن شاء الله ..

تحيتي لكم وربي يحفظكم ..

حبيت اطرح موضوع حلووو بين الأعضاااء وهو واحد يسأل

العضو والعضو إللي بعده يجاوب السؤال .. ويسأل سؤال جديد بس

مثل

ما تعرفوون كلكم اصحاب ذوووق وإن شااء الله ماكو أحد يسيء

الأدب بأي سؤال ..

تحياتي لكم ولنبدأأأأأ

سؤالي للأخت أو الأخ إللي بعدي ...

أحلى مرحلة دراسية مرت بيج/ك؟؟

:3: :3: :3: :3: :3:

الرومانسي

07-12-2007, 08:43 AM

شكرا اختي عالموضوع الحلو

احلة مرحلة دراسية عندي هي الاعدادية

للي بعدي شنو افضل شي عندك

ارشيف الفرات

08-12-2007, 10:50 AM

مشكوووووووووره اختي على الموضوع الرائع

افضل شي اخي الرومانسي هو قراءة الكتب التاريخيه مثل كتاب نهج البلاغه وكتاب المراجعات

الي بعدي كيف تقضي يومك

تحياتي

الفتاة المرحة

08-12-2007, 01:28 PM

اكعد اتريك ببعض الاوقات انضف البيت واكمل كل اعمالي واصلي واشوية دعاء وقرأن وراها اكعد علنت
واتعشي وانام بما ان ماكو مدرسة اسهر مرات

مشكور اخي

للي بعدي

شتغديت اليوم حتى اتعلم ههههههههه؟؟؟

الرومانسي

10-12-2007, 07:22 PM

اليوم اتغديت مركة باذنجان

للي بعدي شنو تتوقع راح تشوف

اسامه ابن العراق

11-12-2007, 04:14 AM

هههههههههههههههه

والله انتظر اغلى انسان عندي اليوم ان شاء الله اشوفه

:66 (46):

توقع اليوم الجو بارد لو ممطر؟

الرومانسي

11-12-2007, 08:09 AM

ان شاء الله تشوفه اخوي اسامة

اليوم باردة

البعدي شنو اليوم تريد تسوي

بنت الزهراء

23-12-2007, 10:26 PM

درة النجف

24-12-2007, 09:14 AM

انتظر رحمة ربي ودا انتظر صديقة عزيزة تكعد عل نت وصارلها يومين ماكو ؟؟؟

:3::3::3::3:

:66 (185)::66 (185)::66 (185):

وراح اتخبل .

للي بعدي منو اكثر عضو او عضوة لافته او لافت انتباهك ؟؟؟

مشكورين للموضوع الحلو

الجواب

بصراحة جديدة بعدني بس ام ضياء لفتت انتباهي

البعدي

ما عملك الحالي او ما مجال تخصصك

الرومانسي

25-12-2007, 07:01 AM

مجال تخصصي هو الكومبيوتر

وعملي حاليا مسؤول الانترنيت بالدائرة اللي اني شغال بيهة

بنت الزهراء

25-12-2007, 11:57 AM

مجال تخصصي هو الكومبيوتر

وعملي حاليا مسؤول الانترنيت بالدائرة اللي اني شغال بيهة

اخوية وين السؤال الموجه للي بعدك ؟؟؟

عفية لتنسون ؟

الرومانسي

30-12-2007, 08:46 AM

اسف اختي نسيت

اللي بعدي شنو اللي يزعجك

بنت الزهراء

31-12-2007, 06:34 PM

الكذب والفراق

للي بعدي اكثر شي تحبة

الحــر

02-01-2008, 12:13 AM

حب الله

الي بعدي شنو هدفك بالحياة

بنت الزهراء

02-01-2008, 01:20 AM

هدفي بالحياة هو رضى الله ( عز وجل) ورضا الوالدين والعيش بسعادة ان شاء الله

اكثر عضو مقرب إلك ؟؟؟

الفتاة المرحة

16-02-2008, 01:49 AM

ام ضي

للبعدي عضو تحب تواجدة بالمنتدى ؟؟

مهند البكري

16-02-2008, 01:59 AM

مروحة اختي اكو غيلرها
عضووووووووو متتمنى متواجد بالمنتدى ؟؟؟؟؟؟

الفتاة المرحة

17-02-2008, 10:33 PM

ثانكيو

والله افرح ان الكول يكونون متواجدين وميغيب احد

شكَد عمرك الحقيقي ؟؟

مهند البكري

18-02-2008, 12:27 AM

22 سنة

لتغلسين مروحة عيوني انتي
العضو الي متتمني متواجد ويانة مو المتواجدين ويانة اوكي عيوني ارجعي جاوبي على السؤال
لتغلسيـــــــــــــــــــــــــــــــــــــــــن

تحيااااااااااااااتي

بنت الزهراء

18-02-2008, 01:42 AM

اني اجاوب فد وحدة بالي لان اموت منها

عضو متتمنى ان يطلع ابد من المنتدى ؟؟؟

مهند البكري

18-02-2008, 01:59 AM

ام ضياء وان شاء الله ترجعلنا بسلامة

اليوم شتغديت؟؟؟؟؟
وين رحت

رومانسي بغداد

18-02-2008, 05:01 AM

اتغديد دجاج مشوي
والله مرح بس رحت جبت اختي من الكليه

الورايه هل انته شاطر ام كسلان وشكم مره سقطط

وعد النور

18-02-2008, 09:35 AM

ما امدح في نفسي ممتازه اهئ اهئ
ايش اكلتك المفضله ؟

بنت الزهراء

21-02-2008, 12:42 AM

الشاورمة

احلى هدية اتلقيتها ؟؟ ومن منو ؟؟

مهند البكري

21-02-2008, 01:40 AM

سلسلة واية الكرسي من والدتي
وهواية اعتز بيها

الي بعدي ليش حزين وروحك طالعة اليوم ومنو السبب؟

الفتاة المرحة

21-02-2008, 01:44 AM

الي بعدي ليش حزين وروحك طالعة اليوم ومنو السبب؟

هههههههههههه منو كَال حزينة اسم الله بالعكس لان كهرباء اكو ههههههههههه
وروحي يمكن باجر تطلع ههههههههههه

شنو اكثر شي تحب تسوي ؟؟

بنت الزهراء

21-02-2008, 02:09 AM

استمع الى الموسيقى الهادئة

ما هو شعورك الان ؟؟

مهند البكري

21-02-2008, 02:22 AM

مضايق حيل ورحي طالعة لان الاعزة فد واحد صديق واخ غالي علية
مضايق وحزين اليوم

الي بعدي ليش ضايج اليوم وروحك طالعة مثل اخوية ؟؟؟؟؟؟؟؟؟
ومنو السبب؟؟؟؟؟

بنت الزهراء

21-02-2008, 05:42 AM

لان اكو اسباب خاصة تدعو الى ذلك الحزن العميق

ماهو مجال عملك ؟؟

الرومانسي

21-02-2008, 06:28 AM

مجال عملي هو صيانة حاسبات المصنع اللي اني اعمل بي

يعني يومية اعطبلي جهاز ههههههههههههه

للي بعدي

شنو المصيبة اللي سويتهة اليوم ؟

بنت الزهراء

22-02-2008, 01:35 AM

شنو المصيبة اللي سويتهة اليوم ؟؟

ليش ياساتر والله المصيبة الي اليوم سويتها
هو نسيت اعلكَـ الثلاجة لان اجة الوطني ومعلكَتها بس الحمد لله
قبل ليروح الوطني بنص ساعة اتذكرت وشغلتها هههههههههههههههههه

ماذا تتمنى في هذهِ اللحظة ؟؟

الفتاة المرحة

24-02-2008, 01:44 AM

ان التقي مع من احب

شنو عملك ؟؟

مهند البكري

24-02-2008, 02:54 AM

هههههههههههههههه
طالب جامعي والله رد اكول اسكافي وبطلت هههههههههههههههههه
وبالاضافة الى الاعمال الحرة

شنو ازعج موقف شفتة بحياتك؟؟؟؟

بنت الزهراء

24-02-2008, 03:22 PM

ازعج موقف هو عندما لايفهمني ممن حولي

ماذا تتمنى الان ؟؟

بنت عمر

24-02-2008, 03:40 PM

اروح للعراق
كم مره مكتول علمود مدرست خخخخخخخخخخ شلون خباثه

بنت الزهراء

24-02-2008, 03:44 PM

ولا مرة ههههههههههههه

شتغديت اليوم (بس لا فاصوليا ام الشكر ههههههههههه)

الفتاة المرحة

24-02-2008, 10:51 PM

ههههههههههههه لا هاي لاية عفتها ههههههههههههههههه

شكلت اليوم ؟؟

بنت الزهراء

25-02-2008, 12:49 AM

بيضة مسلوقة صغيرة

كيف تتخلص من حزن يعتري قلبك ؟؟

الفتاة المرحة

25-02-2008, 01:27 AM

بقوة الايمان والتمسك برب العباد وكتابة الخواطر

1111111111111111111111111111111111111111111111

بنت عمر

25-02-2008, 06:38 AM

بسيطه ناصبين عليه بس الله كريم يجيكم يوم بعدين شسوي بس اتعلم اطبخ الله كريم
شتسوي اذا اجه اخوك او اختك الصغيره ولزكوا بيك وانت عندك شغله مهمه كلش بالنسبه ليه اسوي مثل مكالت نجمة الفرات احسن من هاي الشغله ما اكو

الرومانسي

25-02-2008, 07:19 AM

والله مع الاسف ماعندي اخوة حته اعرف شلون اتخلص منهم بس لو كانو موجودين الطش واحد بلثاني واخليهم يوخرون من يمي

ايمته اخر مرة ترزلت

بنت عمر

25-02-2008, 06:03 PM

قبل شويه هههههههههه
خلي نشوف جواب ثاني

الفتاة المرحة

25-02-2008, 09:26 PM

قبل يومين بابا كَلي سويلي جاي وشلون كَلي

يلة بالحبابة واريدة طيب من ايدج

واني هم فرحانة ورحت سويتلة بالنهاية ما ادري قوطية

الملح نفس الشكر خليتلة ملح خليتة ما ادري شيصير بي هههههههههههههههههههههههههههههه

كم مرة مكتول بالمدرسة ؟؟

مجود

25-02-2008, 09:54 PM

سؤال محرج؟؟ مو كثير ممكن مره او مرتين!!

فيه أحد قال لك انت انسان ممل؟؟

abdooooo

26-02-2008, 05:02 PM

نعم في
بس الناس تنتقد الناجح ههههههههههه

ما الذي يبكيك؟

الرومانسي

27-02-2008, 01:44 PM

لا شيء لاني مريت باصعب المواقف ومانزلت دمعة من عيني وهذا الشي اكيد مو زين

وين كنت قبل متفتح المنتدى

بنت عمر

27-02-2008, 01:50 PM

كنت بالمدرسه
هههههههههههه
شدا تسوي هسه؟؟

بنت عمر

28-02-2008, 06:44 PM

يلا اني اجاوب دا العب بالمنتدى
انتو حطو سؤال ما عندي اسئله

الرومانسي

29-02-2008, 11:41 AM

يوم تخرجت وارتاحيت من هم الدراسة

احلى خباثة سويته بصغرك والى حد الان تذكرهة

الفتاة المرحة

29-02-2008, 12:00 PM

يبوووو كومة بس احلى وحدة دالعب
بالسهم هاي اللعبة الي بيها قوس وسهم بس مثل الصدكَية
جريتها وكان ابن بيت جيرانا واكَف كدامي جريتها وكنت متأثرة بمسلسل عراقي وكَلت ( زيدان ابن حمدان سلم نفسك ) وضربتها والله العظيم اجتي بكَصتة اني كَلت الولد عمة مستحيل بس شفت دم وهوسة كلت لاختة يلا اني بعد اروح ماما تريدني ههههههههههههههههههههههههههههههههههه

والله حبست نفسي بالغرفة ومطلعت الة بالليل ههههههههههههههه

نفس السؤال ؟؟

بنت عمر

29-02-2008, 06:24 PM

يبووووووووووووووووووو والله لا تعد ولا تحصى
مره كنت دا امشي ويه بابا واخويه وشفت كلب مسعور صيحت بوجهه اجا لحق اخويه جان يصير باخويه ابو صفار ههههههههههه شلون خباثه تخبل مو

الفتاة المرحة

29-02-2008, 08:51 PM

وين السؤال ؟؟؟؟؟؟؟ انتي من صدك خبيثة
ههههههههههههههه بس مو بكد خباثتي هههههههههههههههه

بنت عمر

01-03-2008, 06:58 AM

السؤال نفسه خلي نشوف الخباثات مال الثانين خومابس احنا خباثه

الرومانسي

01-03-2008, 06:45 PM

راح يطلع الخياس

اني بلاوي مسوي محد مسويهة بس راح اگول اسهل وحدة مرة مسوين حرب اني والولد جيارينة ناس تفجخ ناس بالحجر واني كنت ابعد واحد يوصل (من اطفال الحجارة مال فلسطين) وبهاي اللحظة فات من يمنة الدكتور مدير المستشفى مال المنطقة وتحدوني الولد انو انوش الدكتور بالحجارة واخوكم ماصدك ضربته بحجارة وعدل براسه وصار دمه بطوله ومن اجه بعد مالفوله عمامة يسال منو اللي ضربني وديته على بيت جيرانة اللي تحداني

ها شلون خباثة وحده اضبط من الثانية

للي ورايه نفس السؤال

بنت الزهراء

02-03-2008, 01:50 AM

سؤال للبعدي

اذا كنت تحس بانك مخنوق وبشدة , ماذا تفعل ؟؟

ذيب الغزالية

02-03-2008, 02:13 AM

أصلي ركعتين لوجه الله (( بس بصراحه مو دائما ))

وأدخنلي جكارة والف راسي وانام

اكعد ولا كأنه صار شيء

السؤال :

اذا ابوك اجبرك على شغله شنو تكون ردت فعلك ؟

abdooooo

02-03-2008, 04:00 AM

بصراحة اغني تا يتعب صوتي

نفس السؤال؟

بنت عمر

02-03-2008, 07:31 AM

اصيح وتروح الضوجه وابكي بشده لدرجه اني انام وما احس بشي هذا احسن شي
خلي السؤال نفسه للي بعدي

angel.iraq

03-03-2008, 01:31 PM

والله اطلع قهري باخويه هع هع
او الكه احد ثاني اطلع قهري بيه واذا اخويه مو كد القهر مالتي
ابجي الى ان انام

نفس السؤال

الفتاة المرحة

05-03-2008, 03:00 AM

اذا ابوك اجبرك على شغله شنو تكون ردت فعلك ؟

بلا ميجبرني بس يأمرني أنفذ بدون اي كلام لان هو ادرى بمصلحتي

شنو الرنة الحالية لجهازك ؟؟

بنت عمر

05-03-2008, 09:39 AM

لحن تركي بس راح اغيره على حاتم ياطير

خلي نفس السؤال للي بعدي

abdooooo

05-03-2008, 11:28 AM

you are not alone
اغنية ل مايكل جاكسون
شو رايك بالرومانسي؟

الفتاة المرحة

05-03-2008, 12:41 PM

الرومانسية شيء جميل ويدل على الهدوء

شنو اكثر شي تحب تسوي باليوم ؟؟

بنت عمر

05-03-2008, 04:42 PM

اكعد على النت نفس السؤال للي ورايه

الفتاة المرحة

06-03-2008, 05:16 PM

اكعد علنت واسمع موسيقى هاااااااااادئة أو اكتب خواطر

البعدي تحس نفسك حباب لو اناني ؟؟

شذى الرافدين

06-03-2008, 05:30 PM

حباب و اناني هع هع
البعدي
انت اتحب العراق لو بلاد الرافدين ؟؟ هع هع

بنت عمر

06-03-2008, 05:33 PM

والله مرات هيج ومرات هيج بس اغلب الاحيان احس نفسي حبابه هواااااااااااااااااااايه

ذيب الغزالية

06-03-2008, 07:23 PM

والله احب كل العراق وبلاد الرافدين وكل شيء يتعلق بأسم بلادنا الحبيبه

شنو نوع تلفونك

وليد المهندس

06-03-2008, 08:03 PM

تليفوني 1600 مسكرب
س/ من هو كاتم اسرارك

بنت عمر

06-03-2008, 09:14 PM

اني اسراري محد يعرفها كلها وما اكو شخص محدد بس اعتقد دفتر مذكراتي هو الشئ الوحيد
للبنات والولد لابسين قلاده وللولد ؟ليش؟

وليد المهندس

07-03-2008, 04:33 AM

ليش الولد لابسين كلاده ؟؟؟
كثرت في الاونه الاخيره وللاسف ظاهرة التميع والتشبيه بالنساء من قبل بعض الشباب المراهقين فاخذو يطلقون العنان للشعر الطويل وحف الوجه ولبس الملابس ذات الالوان البراقه واستخدام حتى المكياج والاكسسوارات والاشياء الخاصه بالنساء ومنها القلاده بدعوى انها الموده الجديده .اتمنى ان تزول هذه الظاهره لانها تشكل كارثه حقيقيه للمجتمع.
س/ متى تدمع عيناك؟؟؟؟؟؟؟؟؟

؟؟؟؟؟

07-03-2008, 07:03 AM

عندما ارى العراق يتمزق
اذا انت مغترب و رجعت على العراق و بيدك ساعه ( 1 ) لازم تطلع من العراق
شتسوي بلساعه ( 1 ) ؟

angel.iraq

07-03-2008, 12:04 PM

اكيد ما اكدر افتر
انتضر تخلص الساعه واطلع وارجع للمكان الي جيت منه

بس الحمد لله اني مو مغتربه

مهند البكري

08-03-2008, 12:21 AM

وين سؤال فدوى اروحلج هههههههههههههههههههههههه

وليد المهندس

08-03-2008, 04:27 AM

ماهو شعورك الان؟؟؟
جوعان.....وضايج
هل فكرت يوما الانتقام ولماذا؟؟؟؟

abdooooo

08-03-2008, 02:42 PM

قليلا
لان هناك اشياء لا استطيع
ان اغفرها لاحد او ان انساها
هل سبق وان انتقمت من احد؟

شذى الرافدين

08-03-2008, 04:03 PM

لا
هل تحب ان تكون مطرب ؟

عماد الزيادي

08-03-2008, 07:02 PM

والله احيانا افكر انتقم بس كلبي ماينطيني0

هل انت شخص وسيم؟ وبصراحه ؟

abdooooo

08-03-2008, 10:52 PM

سؤال جدا صعب لاني وانا متاكد لست بشعا
اما وسيم فلا اعلم
نفس السؤال؟

ذيب الغزالية

08-03-2008, 10:57 PM

والله يا خويه سؤال كلش صعب

فالجمال لا يكون بالمظهر ..!!

الجمال جمال الروح (( كما قالها أبو ميلودي أفلام :66 (72): ))

السؤال : كم عدد أخوانك وأخواتك ؟

http://www.alforat.org/images/smilies/forat/66%20(46).gif أخوكم : عمر الحجار أبو الفاروق http://www.alforat.org/images/smilies/forat/66%20(46).gif

الرومانسي

18-03-2008, 04:44 PM

السؤال : كم عدد أخوانك: للاسف ماعندي اخوة
وأخواتك: وحدة ؟

خو ما متزوج ؟:66 (75):

مروان خالد

19-03-2008, 12:29 AM

نعم السوال ما هوياتك المفضلة

مجود

19-03-2008, 12:49 AM

السفر

ما رأيك بالمنتدى بصراحه وبدون مجامله؟؟؟؟؟

الرومانسي

26-03-2008, 09:54 AM

منتدى اكثر من روعة واحسن منتدى وبدون نقاش

شنو رأيك بنفسك هل انت راضي عنهة لو لا

ذيب الغزالية

26-03-2008, 08:04 PM

اخي وحبيبي رومانسي

مدام راضي ربي واهلي والناس اللي يعرفوني والناس الي ميعرفوني شلون ما ارضه على روحي

نفس السؤال للي ورايه

aliraqia

01-04-2008, 04:51 PM

اكيد رضيه عن نفسي 100%
ليش نسمع اغاني وهيه حرام

ذيب الغزالية

01-04-2008, 06:37 PM

وسوسه الشيطان يا خيتي ..!!

نفس السؤال للي ورايه

مجود

02-04-2008, 01:14 AM

مثل كلام اخويه ذيب الله يهدينا...!!

شنو رأيك بالحب من طرف واحد...؟؟؟

اميرة الورد

06-04-2008, 01:33 PM

اووووووووووووه دماااااار نفسي خطيه الي يحب شخص والثاني محاس بيه
مارايك لو حبيبك خانك او حبيبتك وش تسوي بصراحه

ذيب الغزالية

06-04-2008, 04:20 PM

والله ما اسوي شيء بس طلقه براسها واخلص

نفس السؤال للورايه

angel.iraq

06-04-2008, 06:02 PM

زين عمر من تضربها طلقه صيحني احب هيجي شي ههههههههههه
اني لا ما اسوي شي اتركه وخلص

سؤالي شنو رايكم بالحب والزواج المبكر