أعاتب من بعد شيفيد الأعتاب
خلصنه الحجي وتيهنه حسبتنه

وجنه نكول غيمة صيف تنزاح
وصدكنه السراب وبيه أمنه

وأملنه المطر ينزل بعد يومين
مامش لانده ولامزنه مرتنه

عمرنه الفات خلصناه صفنات
بين آمالنه المن عده حيرتنه

شبعد يا الماتمر مو طال الغياب
صبرنه وبالصبر خلصت دنيتنه

جبناهه دفع نتوسل الحسرات
بلجي بليلة ظلمة وتشع كمرتنه


أشتهيناك أشكثر مابالكلب حسرات
بلجي الطيف لحظه يجيب لمتنه

ونفز والبال حاظن أحلى سالوفات
ونتلمس جرح وتطيب علتنه

تعال.. العين ذبلت من ال دموع
وكبرنه أعله الصبر حد ماجزع منه

أمس فز الحلم يطلبني ضحكة موت
بيا صورة التجينة وطيفك يسرنه

وتموت الذكريات بطن الافراح
وإذا تطلك فرح ينزل حزن منه

صب تيزاب دهري بنص العيون
ومامش أيد تنمد تلغي عثرتنه


جليلة عكل روحي متانية الحاصود
تشتل بالصبر وبغيضه يحصدنه

شبعد والدنية ظلمة بساعة أغروب
أشو بعد العصر غابت شمسنه

مثل الناس أحنه لو قدر مكتوب
لو كل القدر رافك قدرنه

حرت وياك كلي منين أجلب بيك
إذا أنت خيال أمنين ألزمنه

تحياتي
أختكم نور البدر

معقوله يعوده انتي فنانه بالشعر والله تخيلتهه اغنيه عراقيه عن الفراك والعراق واللمه الحلوه اللي محتاجينهه واللي انحرمنه منها مااعرف بس حسستني بايام قبل لمن كنت بالعراق صغيره وايام وليالي العراق الكمريه الحلوه الله عليج والله قصيده ذات حس وذوق رفيعين ابدعتي ثم اجزلتي وفقكي الله
:66 (46): :66 (46): :66 (46): :66 (46): يانوووووور:66 (46): :66 (46): :66 (46): :66 (46):
سانتظر جديدكي بفارغ الصبر

:66 (46): :66 (46): :66 (46): احسنتي على هذة الصورة الشعرية الرائعة واتمنى لك الموفقية:66 (46): :66 (46): :66 (46):

نور البدر...

لقد مررت على هذه الباذخه مرور الكرام...

فأخذتني الى اعماق اعماق الاحساس...

راقت لي تعابيركِ الجميله..واناقتكِ في هذه التراتيل

فكانت شامخه كما شموخ القمر في كبد السماء...

نور البدر سأعود لها ....

وسأعود برد يليق بها...

الى حينها... لآجلي كوني بخير..

مشكوووووووووووووووووووورة
على الكلام الجميل والمعبر
أرق تحية من القلب

مشكورررررررررررة حبيبتي نور البدر

عاشت الايادي

تحياتي

أعجز عن الرد عندما اجد

الروعه في الردود
قد فاقت الموضوع
أدرك بأني صغيره أمام تلك الكلمات
التي جادت بها قرائحكم
لتزين موضوعي المتواضع
لكم مني كل الود والأحترام
تحياتي ومودتي
نور البدر