Ali Hassan
04-11-2007, 05:17 PM
ابنهرين العراق انطبعْ تذكاره
نهر دجله وفرات
وشاعتْ اخباره
دجله الطيب جاري
والنخل نيشان
على اضفافه تعلّه
وزهتْ اثماره
دجله الخير عنوان
الكرم والجود
نبع صافي وغدتْ
ماتنحچي اسراره
دجله امن القدم يجري
ابمحنه او شوگ
او ولا مره تكدّرْ
لو عطشْ جاره
لآلآلآلآلآلآلآلآلآلآلآلآلآلآلآلآلآلآ
وبعد عدنه الفرات امن
الاصل ياقوتْ
درر يجري وزهتْ
بضفافه انواره
او لو دجله انحدرْ صوب
الجنوب وراح
لاگاه الفرات وزفوا ابشاره
ولن شط العرب منهم
غده مولود
واخذ منهم نقاءه
وعزمه واصراره
نهرين وفخر واسم
العراق انصاغ
بلاد الرافدين ابمايه
واهواره
آآآآآآآآآآآآآآآآآآآآآآآآآآآآآآآآآآآآآآآآآ
لچن عدنه نهر ثالث
دفگ هاليوم
تحدّاهن ابزوده وزخّتْ
امطاره
نهر بس مو نهر عادي
وضفاف وطين
دم يجري وجثث
وارواح عبّاره
نهر لادهله بيه لا
خشني لا محار
نهر موت ومنايه
احزانه تتجاره
نهر كل العرب
بانشائه مشتركين
حفروه ابعنايه
وشتلو اشجاره
لآلآلآلآلآلآلآلآلآلآلآلآلآلآلآلآلآلآلآ
نهر رادوه ماينشف
يضخ كل يوم
اولو جاريه يفتر
گبتْ اشراره
ومنابع هالنهر تجدد
ابكل يوم
ذبح لو خطف لو
تفجير سيّاره
لو عبوات مزروعه
ابظلام الليل
لو اطلاق نار
ابحقد غدّاره
لو عدنه القذايف تسقط
اعلى الروس
ماتعرف اصلهه
الناس محتاره
لآلآلآلآلآلآلآلآلآلآلآلآلآلآلآلآلآلآ
نهج تكفير واضغان وقتل
كل يوم
واليابس للاخضر
گببه ابناره
وسياسيين عدنه افحول
بالتنظير
لچن واقع عملهم
كلهم اصفاره
واحزاب وجرايد گلبو
الصوبين
وكل واحد للاخر يطلب
ابثاره
ومقالات وخطب مليانه
كلهه اوعود
وآخرهه المواطن لن
هجر داره
آآآآآآآآآآآآآآآآآآآآآآآآآآآآآآآآآآآآآآآآآآآآآآ
لاشاف الامان ولاينام
الليل
يتگله اعلى نار وتاهتْ
افكاره
چا هذا العراق الچنه
نحلم بيه
بيد اشعيط لنه وغابت
احراره
غفلنه والزمن مايرحم
اليغفون
وتاه الراي عدنه
وغابت اعذاره
ابحر اظلم صفينه
وهاجتْ الامواج
ولن ساعه اعلى ساعه
ايزيد اعصاره
والقبطان تيّه والبحر
ماهاد
وشراع السفينه انگطعتْ
اوتاره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ودنياك الولتنه وشدّتْ
احزامين
سحگتنه سحگ
والرحّه دوارّه
وهاي احنه نكابر
والجرح ماطاب
ولفتنه اجروح كثره
المالهن چاره
ونگول اليوم باچر
والامل بالجاي
وماندري بعد بالجاي
شخباره
ولن اسم العراق ابنهر
دم انصاغ
وغاب اسم الفرات
ودجله واشعاره
نهر بس نهر واحد عدنه
يجري اليوم
يريته انگطع نبعه وخمدتْ
اخطاره
ريته انهدم سوره ونشفت
اباره
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
علي البهادلي ابومرتضى
22/7/2007
نوربرو
نهر دجله وفرات
وشاعتْ اخباره
دجله الطيب جاري
والنخل نيشان
على اضفافه تعلّه
وزهتْ اثماره
دجله الخير عنوان
الكرم والجود
نبع صافي وغدتْ
ماتنحچي اسراره
دجله امن القدم يجري
ابمحنه او شوگ
او ولا مره تكدّرْ
لو عطشْ جاره
لآلآلآلآلآلآلآلآلآلآلآلآلآلآلآلآلآلآ
وبعد عدنه الفرات امن
الاصل ياقوتْ
درر يجري وزهتْ
بضفافه انواره
او لو دجله انحدرْ صوب
الجنوب وراح
لاگاه الفرات وزفوا ابشاره
ولن شط العرب منهم
غده مولود
واخذ منهم نقاءه
وعزمه واصراره
نهرين وفخر واسم
العراق انصاغ
بلاد الرافدين ابمايه
واهواره
آآآآآآآآآآآآآآآآآآآآآآآآآآآآآآآآآآآآآآآآآ
لچن عدنه نهر ثالث
دفگ هاليوم
تحدّاهن ابزوده وزخّتْ
امطاره
نهر بس مو نهر عادي
وضفاف وطين
دم يجري وجثث
وارواح عبّاره
نهر لادهله بيه لا
خشني لا محار
نهر موت ومنايه
احزانه تتجاره
نهر كل العرب
بانشائه مشتركين
حفروه ابعنايه
وشتلو اشجاره
لآلآلآلآلآلآلآلآلآلآلآلآلآلآلآلآلآلآلآ
نهر رادوه ماينشف
يضخ كل يوم
اولو جاريه يفتر
گبتْ اشراره
ومنابع هالنهر تجدد
ابكل يوم
ذبح لو خطف لو
تفجير سيّاره
لو عبوات مزروعه
ابظلام الليل
لو اطلاق نار
ابحقد غدّاره
لو عدنه القذايف تسقط
اعلى الروس
ماتعرف اصلهه
الناس محتاره
لآلآلآلآلآلآلآلآلآلآلآلآلآلآلآلآلآلآ
نهج تكفير واضغان وقتل
كل يوم
واليابس للاخضر
گببه ابناره
وسياسيين عدنه افحول
بالتنظير
لچن واقع عملهم
كلهم اصفاره
واحزاب وجرايد گلبو
الصوبين
وكل واحد للاخر يطلب
ابثاره
ومقالات وخطب مليانه
كلهه اوعود
وآخرهه المواطن لن
هجر داره
آآآآآآآآآآآآآآآآآآآآآآآآآآآآآآآآآآآآآآآآآآآآآآ
لاشاف الامان ولاينام
الليل
يتگله اعلى نار وتاهتْ
افكاره
چا هذا العراق الچنه
نحلم بيه
بيد اشعيط لنه وغابت
احراره
غفلنه والزمن مايرحم
اليغفون
وتاه الراي عدنه
وغابت اعذاره
ابحر اظلم صفينه
وهاجتْ الامواج
ولن ساعه اعلى ساعه
ايزيد اعصاره
والقبطان تيّه والبحر
ماهاد
وشراع السفينه انگطعتْ
اوتاره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ودنياك الولتنه وشدّتْ
احزامين
سحگتنه سحگ
والرحّه دوارّه
وهاي احنه نكابر
والجرح ماطاب
ولفتنه اجروح كثره
المالهن چاره
ونگول اليوم باچر
والامل بالجاي
وماندري بعد بالجاي
شخباره
ولن اسم العراق ابنهر
دم انصاغ
وغاب اسم الفرات
ودجله واشعاره
نهر بس نهر واحد عدنه
يجري اليوم
يريته انگطع نبعه وخمدتْ
اخطاره
ريته انهدم سوره ونشفت
اباره
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
علي البهادلي ابومرتضى
22/7/2007
نوربرو