تريّث ياصدى صوتي وخفف نبرة الأحزان ..
تعلّم من نزيف الجرح كيف اصبر على همي ..


أنادي والسما غيمة تثور بداخلي بركان ..
ودفتر من قصيد الأمس على جال البحر مرمي ..


سكنتك بيت ياكبره وشكلّت بسماك ألوان ..
شربتك كاس بيديني وأثاري الكاس منسمي ...


دخيلك جامل الدمعه !! ترا مهما أكون أنسان ..!!
مشاعر قلب تحكيني وأزود حبرها دمي ..


كرهت البيت بغيابك !كرهت الباب والجدران ..
ليامن شفت لك صورة تنسيني حنان أمي ..


أبرحل وأترك الماضي وأجدد حاضر العنوان ..
ابجمع من شتاتي قلب واسافر في بحر غمي ..


تصور لو نساني الكون وصرت بعالم الحرمان ..
أناديلك .. واصوّت لك .. ولاحتى تجي يمي ..


أمانه لو جعلتني مسافر في سما النسيان ..
أمانه جاوب صوتي لجل مايحترق دمي ..


ابي لو ساعه من وقتك .أنا ماقلت أبيك ازمان ..
أبيك العاشق المغرم على قلبي ومهتمي ..


أبيك تعيشني قصة ! بطل خاين وأنا الخوان ..
أبي كل البشر تحكي وتتسابق على ذمي ..


على هونك ظلام الليل !! أشوف الليل ماقد حان ..
علامك تلوي ذراعي !! تبعثر فيني وتلمي ..


حرام تشوف دمعاتي وتنسى أني بقايا أنسان ..
أحاول اجمع شتاتي وعجزت اليوم في لمي ..


حبيبي لو تبيني ابعد واعانق دفتر الكتمان ..
تعال احضر عزا قلبي مادام الشوف منعمي ..


تصور مابقا فيني سوى باقي رمد بركان ..
ودفتر من قصيد الأمس على جال البحر مرمي ..




م ن ق و ل

مشكوووووووووووووووووووووووووور
يا مبدع
أرق تحية

مشكور وعاشت ايدك على هذا الكلام الرائع تحياتي الك ياطيب :66 (46):

شكرا الكم المشكلة ردك يحفزنى اكثر واكثر تحياتى الكم

http://img210.imageshack.us/img210/2944/aea3778f61gb0.gif

الطيب العزيز 00
قصيده روعه وكلمات لها صدى الكلمه 00
لماذا لم تنشرها في قسم الشعر الشعبي000
اخوك الصكر

مشكورين حبايبى دمتم للمزيد من التشجيع تحياتى