المساعد الشخصي الرقمي

مشاهدة النسخة كاملة : كرهتك واحبك



العراقي الطيب
04-11-2007, 09:20 AM
كرهتك مره لين إغلطت وياي
وكلت لازم اعوفك حتى اعذبك

واجيتك عصبي وفد مره غضبان
ولمن وصلت كتلك احبك !

وردت منك حبيبي تشبع العين
واجيتك من بعد فترة غيابك

ومن ودعتك ورديت للبيت ...
ردت افتح الباب ولنه بابك !

سطيت انت عليه بضحكه ورموش
وخذت مني جميع الحب والاحساس

ولك رجعلي منه شويه مو عيب
اذا صار الك كله شنطي للناس ؟!

ومعروفه اليغيب هواي يفصلوه
ويكلوله بعد محد يلفيك

وانت شكد تغيب اقبل بلغياب
وافصل بالحضور وانت اخليك !

ودادك حولاني لشاطي الافراح
الف شكرا وهذا اجمل تحول

اريد انفرد بيك وحظي مو زين
كلما انفرد اطلع تسلل !

عليك شكد اخاف شكد اداريك
حبيبي اتمنه داخل كلبي اضمك

اذا مو انت بيهه الدنيه شتفيد ؟
ولك هم زين ابوك تزوج امك !!

ومعروفه الحجي يطلعنه الحلوك
ومن يطلع يمر فوك الشفايف

وبما انك عسل متروسه الشفاف ..
اذا لو سولفت تحله السوالف !

يقطعة كيك جنك ذايب ذيوب
اذا اعوفك مترجع عيني وياي

ينظف العالم الماي من يسبحون
بس من تسبح انت تنظف الماي !!

بمغيب الشمس تبدي الظلمه والليل
وهالموضوع ما بي ابد تشكيك

بس يختلف وضعه العايش وياك ..
يبدي الليل عنده من يغطيك !!

الك عندي مشاعر تترس الكون
وإلك بيه عشك يا ريت يعجبك

وحبك بالكلب ينقاس باحجام
عندي اصغر حجم كلش احبك !

عندي اصغر حجم ... كلش احبك

خوخة الانباري
06-11-2007, 01:35 PM
مشكورررررررر ع الكلامات الجميلة

تحياتي الك