{ ليش أتعيد }....
............
ليش أتعيد
چلمه أنمحت باوراقي
بعد شتريد
تشعل... ياشمع باقي
دمع صارن أسنيني
وماتن أشواقي
حزن صبح هواك
الچان مثل العيد
@@@@@
ليش تعيد
بعد شتريد
......
بخريف أفراگك الوردات
كلهن ذبلن أبابه
وربيع البيك مر ومات
صبح صحره چذابه
ياموال جاي
بطوره أتغني
هنه أهواي
سامعهن وأذني
أخذ لعبة..... مواويلك
الگلب لاتظن يصغيلك
تغني ما تغنيله
ألگلب ميريد
@@@@@
ليش تعيد
بعد شتريد
.....
جايني شتريد مني
لاتظن گلبي يغني
نهرك التروي أشفافه
يبس بالگاع أنشرب
والبراعم على أضفافه
أنجمعن وصارن حطب
لا شراع الطار فوگ
ولا بلم حمل الشوگ
نشف نهرك
عده عمري
وعده عمرك
چانت المرسى حياة
بقت بس الذكريات
چان..؟
بس الچان مات
والسؤال:.؟
الميت يرد من جديد
@@@@@
ليش تعيد
بعد شتريد
......
شلون...؟
رديت أعله بالك
أشلون..؟
مريت بخيالك
يا زمن غير أحوالك
ليل
والنجمات غابت
والشموع
بعمري ذابت
جايني...
شتريد تسال
شنهو...؟
البحالك تبدل
لو ردت ترجع يغالي
روح جيب ورودي
أحترگن بنار الليالي
ويبس أخضر عودي
روح خليني بعيد
@@@@@@@
ليش تعيد
بعد شتريد
.......
...
........كلمات
ناصر اسماعيل الموزاني

عاشت ايدك كلمات اكثر من رائعة دمت بهذا التالق