صبرآ يا وطـن بس صبرك ليا وين .؟
كافي تگول باچـر محد بحالـــك..

گوم انتَ عله حيلك وأذبـح الجـلاد
عشرينــك بعدهه تحشم بفالك ..

مثل ميمون اشوفك مارضه عله الصار
أركـض وأنتــفض بـــس وينــه خيآلــك ..!

شلون لهسه ساكت وأنتَ أبن شعـلان
وكــل عشرة بگبر متوسدة اطــفالك ..؟

شلـون انطاك گلّبك نبقـى مذبوحين
مضيفك سده كافــي وكَسر دلالك ..

صفت لأهل الكراسي وكلهه تآكل بيك
وانتَ( أيـوب )بعــدك ساكت شمالـك ..؟

ناس تبيع بيـك ونآس بيك تبيـع
وجوعان الشــعب وميتمّـة عيالـك ..

اهلك بايعينك لليــصّح شـرآي
والف شرآي واگــف يآكل بجالك ..


حزنانـه الشـوآرع والطريق طويـل
ومتيّه وطنــه ويـــــاهو ليطلعـه ...؟

خمستالاف حاكم وآنه دمي يسيـل
وبكــل بيت ميت .. كل فرع قطعـه ..

أبنك. يكتل ابنك أدري ترهم ويـن .؟
غدر وبظهـر اخوكـ الخنجر تزرعـه ...

بعده الوضع نفسه وباقي نفس الحال
نفسه الرآح اجانـه وضربه في تسعـه ...!!!




مَودتـي وحُبـي
/// زيـاد البــصّرآوي ////

الله عليك كلمات شعبية جميلة
منظومة بحب الوطن و رؤيته باحسن
تقبل تحياتي اخي و انشاء الله كلنا نجتمع بغداد الحبيبة
اخوك سيرانو

السلام عليكم ورحمة الله وبركاته
تحيه لك اخي الكريم زياد
قصيدة
حملت الكثير من المعاني ..
تجولت بين حروفها ..
وتحدثت مع كلماتها ..
فاخبرتني بأن قلمك يملك المزيد ..
فلاتبخل علينا

وفقك الله

تحيات ىالك ولشعورك الرائع دمت للمزيد

مشكورررررررررررر عيني عاشت ايدك

تحياتي الك

اشكر الاخوان جميعآ للمرور على القصيده وحضورهم الجميل