محتاج العراق اليوم عباس



محتاج العراق اليوم عباس

يطب وسط المنايه ويوكف يكفله

محتاج ابو الغيرة الناصر حسين

يشد حيله بوجه عدوانه يوكفله

إذا هذه العراق اوحيد والكوم

ملتمه عليه وناويه تكتله

أمس جان الحسين بكربله وحيد

وابن زياد نفس الكوم تهتفله

بس رغم العطش عباس ظل عباس

وصل يم الفرات وما شرب كبله

يكول شلون اشرب ماي وحسين

عطشان وحزين وحاير بطفله

اذا شوفو العراق بحاجه للعباس

يبو فاضل بلدنه يريدك تكفله

بلدنه اتوذر ومن حفنة سنين

فتحو بابه والله وضيعو قفله

بلدنه بحاجه نوكف وكفة العباس

وبهذه الدوه الدكتور وصفله

يبن حيدر علي المادنك الهام

ترضه امريكه لرض النجف محتله

لو ترضه الطفل من داره محروم

لان كتلو ابوه وهجرو أهله

يبو الغيرة العراق بصايتك كوم

انته المارضيت تعيش بالذله


اخوكم الشاعر
علي جواد كاظم البحاثي
http://www.poetsgate.com/sh3ra.php?action=shpoems&id=1334

ماشاء الله كلام جديد
و جميل تقبل تحياتي
اخوك سيرانو

تسلم أخوى 00 بأذن الله بعد كل ضيج فرج

مرحبا بك شاعر بيننا وكاتب له أسلوبه المميز في منتدى الفرات
الفكر والعقل والفلسفة والشعور الصادق واللغة الشفافة ..
إذا اجتمعت
كونت شيئاً اسمه (( الإبداع ))
لك شكري وتقديري
ونتتظر المزيد

الله عليك اخى الكريم هذا ديدنك المميز وهذه هية مشاعرك النبيلة وفقت اخى للمزيد




كسرني من كسر فيني ولكن كبريا فيني
اعيش وشامخ ٍ راسي انا ويا النجوم اصحاب