بوساتي تحيه
زرعنا كلوبنا وياك بس طيب...ونثرنا الورد بدروبك هديه
وتحملنا الاذى والقال والقيل....وبقينا ننتظر منك الجيه
ولمن ما اجيت احنا عذرناك....وكلنا يجوز مشغول بقضيه
مو كلبي رقيق ويحسن الظن...وانه طبعي ترى ما بيه أذيه
جا يمتى تجي مو طال الغياب...ولو عدك سبب بينه أليه
جا شنهوا البدر يا حلو العيون....تهجرني ولا تسأل عليه
مو انه زرعتك نفس بالروح....ومن تبعد ترى ابقه رميه
يا ريت الهوى ياخذني وياه...ويدليني عليك بيا ثنيه
مو هجرك ترى مرمره للروح...تسلت بالصبر صبح ومسيه
انه بلياك مثل الشمعه بالليل...شما طال الوكت منتهيه هيه
تعال وشوف حالي صار بجفاك...تصب عيني دمع صبح ومسيه
انه وياك مثل السمجه بالماي...ولو جف النهر ما تبقى حيه
مو كيظي خلص مشتاك لشتاك....جدب كلبي بغيابك ماكو جيه
دكلي شنهو يمته تعود لهواك...مو روحي ترى بعد سبيه
ذبلت روحي مثل الورده بجفاك...وعلى الشجره ترى هيه طريه
يل شوفه جمالك كحله للعين...وانه عيوني ترى لجيتك ارييه
خبط مايي بغيابك صار بس طين ...جا يمتى تجي وتصفي ميه
عصافير الصبح ظلت بالعشوش...من عرفت لجيتك ماكو نيه
يا فرحة الكاع بجية الديم ....يا ضحكة فجر من شاف ضيه
يا فرحة كليبي وضحكة الروح...يا شهكة هوه تدخل الريه
يظل باب الكلب مفتوح الك دوم....وكلبي مسامحك ميه بالميه
تعال وشوفني يبك افرح اشلون...على الوجنات بوساتي تحيه
وشبكنك وحطك بين الجفون ....وطش الدمع فوكك واهليه

قصيده جميله فعلآ
شكرآ اخي الكريم ع الطرح المميز
احرامي وتقديري