السلاام عليكم


- تسلقين الرز مع شعيريه ..

-تسلقين نوعين من المكرونه مع بعض .. الاشكال تكون مختلفه ..

بالنسبه للكشري طبعااا عقب مااا تسلقينه وتصفينه ... تحمسين تقريبا بصلتين مقطعين جوانح بزيت ولما يذبل البصل تضيفين له الكشري وتحطين معااه مكعب ماجي وشويه دارسين يادوب رشه وفلفل اسود وصلصه طمااط ( تقريبا نص علبه ) .. وتضيفين له 4 فصوص ثوم مدقوقه وملعقتين صويااا صوووص .. عشان تعطيك حموضه وطعم ..

- تدقين فصين ثووم وتضيفين لهم عصير ليمونتين ومقدار من الخل وملعقه وحده فول الصويااا ...

الحين لماا ترتيبن طبقات الرز والمكرونه والكشري راح تسويين التالي :

- حطي طبقه رز ورشي فوقها ملعقتين من عصير الليمون المخلوط بالثوم وصلصه الصويااا والخل وحطي فوقهااا طبقه من الكشري وبعدين حطي طبقه من المكرونه المسلوقه ( نوعين ) ورشي فوقهاااااا عصير الليمون المخلوط بالثوم والصوياا والخل ... وجذي الين تخلصين المقدااار وخلي الطبقه الاخيره تكون الكشري ... ورشي باقي عصير الليمون على الوجه ...

- تكونين مقطعه الخبز العربي بطريقه الجاينييز ... اصابع ضعيفه طويله ماتكون طويله وايد اقصى طول بطول اصبع ايدك الصغيررر ... والسماكه تكون خفيفه .. وتحميرنها بالزيت .. الشكل النهائي بتكون مثل عيدان الشبس الرفيعه الي يبيعونهااا جاهزة للاكل .. يارب تكون الصورة اوضحت .. واذا ماوضحت الصورة تذكري طريقه الجزر والملفوف في السلطه الصينيه وان شاء الله بتعرفين الشكل الي اقصده ..

المهم

تاخذين هالخبز الي حمرتيه وتحطينه فوق الطبقه الاخيره ( فوق الكشري ) .. وتدخلين الطبق الفرن شوي عشان يتسبك زين ..وبس بالعافيه ان شااء الله ..


طبعا يقدم معه الدقوس .. وبالعافيه ان شاءالله

جربوهااااااا وتشوفوووووون اشكثر الاضافات هذه لذيذه وتعطي الكشري نكهه لاتنسى


طريقه تحضير الصلصه

الطريقه (1) :

في القدر تحطين شويه زيت مع فصين ثوم مدقوقين تحمسينهم شوي وتضيفين لهم فلفل اسود وملح او نص مكعب ماجي و3 حبات طماط كبار مقطعين لقطع صغيره تحمسينهم بالزيت لين يذبل الطماط و بعدين تضيفين له كوب ونص ماااء وعلبه صلصه طماط ... وربع كاسه خل ..
واذا تحبين الصلصه تكوون حاره ... ضيفي فلفل اخضر ( حبه وحده طويله ) او ضيفي صلصه الفلفل الاحمر الحار ( ابو الديك او كريستال ) ... وملعقه زبده تضيفينها بالاخير




الطريقه (2) :

تقطعين حبات الطماط لانصاف وتحطينهم في القدر مع كوب ونص ماااء وتسلقينهم شوي على النار ... لمده ثلث ساعه وعقب تخلطين الطماط بالخلاااط ... وتردينه للقدر وتضيفين له الفلفل الاسود وصلصه الطمااط و فصين ثوم مهروسين ومكعب ماجي او الملح ... والفلفل الاخضر لو حابه يكون طعم الصلصه حااار ... ونص كاسه خل وملعقه زبده تضيفينها بالاخير





الطريقه (3) :

اذا تبين الصلصه بدون طماط
تحمسين الثوم بالزيت وتضيفين له الفلفل الاسود وكوب ماء و علبه صلصه طمااط والملح او الماجي ونص كاسه خل وملعقه صلصه الصويااا ( يعطي لون غامق حلو للصلصه بس لاتكثرين عن ملعقه ) ... الفلفل او الشطه تحطينها على حسب الرغبه ... اما قرن فلفل اخضر حار او الصلصه الحارة الجاهزة او الفلفل الاحمر البودره ...

وبالاخير تضيفين ملعقه زبده ...




ملاحظه :

طبعا تضاعفين المقدار على حسب الكميه الي تبينهااا

وسماكه الصلصه تقدرين تتحكمين فيهاااا بكميه الماء .. اذا تبينها غليضه خففي الماء واذا حابه انهااا تكون خفيفه تزيدين الماء ... وان شفتي انها صارت خفيفه وايد خلي الصلصه تطبخ على النار اكثر او زيدي عليها صلصه طمااااط ....


وان شاء الله تعجبكم هالطرق ..


منقول للاكل:66 (46): :66 (46):

احسنت اكلات روعه مشكور ما كصرت

شكرا لك على هذه المشاركة
أمنياتي القلبية لك بدوام السعادة

مشكورين:66 (46): :66 (46): :66 (46):

لك تقديري وشكري اخي الفاضل
على هذه الوصفة الرائعه
ونحن بانتضر كل جديد من مشاركاتك الرائعه
تحياتي

مشكوره مشكوره مشكوره مشكوره