شكثر عمري بقه منه ---وانته عليه تدلل
واذا كتلك حبيبي ليش --- تعذب روحي تزعل
من غيرك بلايه روح --- الورد من دون مي يذبل
جزيره والشتا عطشان --- يبس بيه العشب وامحل
وجرحي بلايه طب ينزف --- جسمي بغيبتك ينشل
يهلالي التغطه بغيم --- شكثر بيه افرحت من هل
يعنبر وانسكه بدهله--- عرس فلاح من يشتل
يشوك الطين للسلهو ---يحب الصوف للمغزل
يغربي الخربت اطباعه --- هواه اختلف واتبدل
وانته الماعرفتك خوف --- ولا وي دهره يتململ
ينام السهر بعيونك--- تبات بطيفه تتكحل
احبك لو تظل بالروح --- بس دكه ولا ابخل
لانك انته مي العين --- بلايه العين بيش اندل

تحياتي لكل من شرفني
-----------------
وتحياتي الخاصه لحبيبي

شكرالك ابو الليث قصيده رائعه امتعتنا ننتظرجديدك
لك تحياتي

ابو الليث الابداع ليس بغريب عليك
تقبل تحياتي مع الود
اخوكد\ سلام الدراجي

حبيبي الدراجي شكرا لك
انت اكيد الاحسن الافضل
من جميل احسانك واخلاقك الغليه
تسلم من كل شر بحفظ الرحمن