سهمين لحضك مضن وسط الكَلب يرعن
كَطعن ابتوت الحشه ولعكَلي هم يرعـــن
ياكَلبي لعــــنان ودك لاتهـــد يرعــــــــن

جم عاقل البلهوى من نضره عقله شمر
نبضك صبح مختلف ماادري يمك شمر
ياولفي طبعك ورث من حرمله لو شمر

ماتخطي دوم الهدف متحن علي يرعن

سهم لحضك ابوسط احشاي يرعه
اليصدلك كون عنده احساب يرعه
الصبر بعدك دكَلي شلون يرعه

وانه البهواك قيس يحن عليه


بقلمي
وتحياتي

شاعرنه المبدع محسن المفرجي سلمت وسلم لنا نبضك الدافئ
ولاحرمنا جديدك تقبل مروري ولك مودتي

شكرا لك عزيزي علي الصباغ ولاحرمنا تواصلك
وردودك الرائعه ومتابعتك تقبل تحياتي

الله الله الله
الحقيقه صفقت لها والله العضيم
روعه اخي انته مبدع
دمت بود

اشكر مرورك واطرائك في موضوعي اخي ابو حيدر
لك خالص مودتي وتحياتي