ماشايف مثل طولج بعد ماشوف

وأقنـّـع عيني بيش وتقنع وترضه

وانتي اخيالج ايغازلج من تمشين

وبعضه ايلوم بعضه وياكل ابـّـعضه

كَـبلج ماجنت شاعر غزل معروف

ولاموا..... مادروا بيه الغرام أمضــه

وشعري البي رفض ويرددونه الناس

من خزرة اعيونج يستمد رفضـــــــــه

يل كلـّـج براءة وكلشي يلصف بيج

واتشوفج عيون الناس المْـغمـْـضه

الشارع بي صداع ايصير من تمشين

وطوله ايكَــوم يفتر يردم ابعُـرضه

و( أبو الطيـّـب ) يغض النظر جان ايكَــول

بس لو شاف طولج فنـّه..اذا..غضـّـه

المستشفى اذا من بابهه اتمرّيّــــن

عراضه لشوفتج تتظاهر المرضه

خط أحمر ..جمالج رِسَـم فوكَـ الكَـاع

وحظر تجوال ( خصرج ) وحـّــده ايفرضه

الفتنه( الطائفية ) عيونج الحلوات

عليهه احنه اختلفنه وبعد مانرضه

الامن مايستقر وتفرضه شرطه وجيش

بس بسلاح عينج نكَـدر انفرضه

والفوضه البالبلد مو من سياسيين

الفوضه البالبلد من شعرج الفوضه

كاغد ماي خدّج والهوى ايهز بي

ومن كَـد رقّـته بالهوه مايرضه

حظه بيج النده..بخدّج طبع نيشان

جا... شتسوّي بيج اشفافي من تحظه

عصر النهضه داخوا بي ماشافوج

وانتي الشايله بصدرج الف نهضه

يلبعينج سحر ليل الله طش الشوكَـ

وانجومه اعله خدّج صاغهن فضـّـه

الحظ من يشوفج صدفه بين الناس

يلزم حظّـه بيده ..ايطيّـح ا بحظّــه

الشمس حتى الشمس من تسد باب الليل

تنزل على شعرج حتى تتوضـــــــــــــه

غلط ( foraten.net/?foraten.net/?foraten.net/?foraten.net/? مطر ) ميخلّــده التاريخ

لئن عن لون خدّج ماكتب ومضه

قرضه امن الشمع بالظلمه نطلب نور

وانتي النور منّج يطلب القرضه

ولئن تعكس بياضج والبراءة البيج

وحّدهه..( المرايه ) اتكّـوم تتشظّــــه

بالزي من أشوفج كلّـــي اصيرن عين

وأفض كلشي امنديّـه وخلكَــي ما فضـّــه

مثل الظل وراج عيوني مصلوبات

ودرْب ( الجامعة ) خلّــــيت بي رضّــــه

وزير التربية لازم يحط اشروط

لنظام الجامعة ..وعالمجلس ايعرضه

وايصدّر قرار وكلهه تعمل بي

وتنصاع ( العمادة ) وتعمل ابوعظـــه

طولج من يمر ..يم الاستعلامات

عميد الجامعه يوكَـف ( صنم ) لحظه

وباب الجامعه من يمّـه من تمشين

مدير القسم لازم يركض ايكظّــــه

مو لجل العلم بالجامعه الطلاّب

على مودج تره الطلاّب.. مكتظـــــــــه

تدرس بالمناهج صدكَـ ليل انهار

لكن تمتحن برموشج اللمضـــــــــه

كَــراج الجامعه سنطه ويبجـّي العين

بس لمن تجينه اتصير بي ركضـــــــه

المحاضر بالدرس مايحفظ الموضوع

لئن ملتهي ابثغرج رايد ايحفظـــــــــه

بالروضه خبر طش راح تتعينين

وعلى مودج زلم سجّــــلت بالروْضـــــه



منقول

مشكوره اخت شهوده على الكلمات الروعه
موضوع رائع ومشاركه قيمه
ونحن بانتضار كل جديد لك
دمت بالف خير عزيزتي

مشكووووووووووووره تردين الصدگ ما گصريتي

مشكووووووووووورره تردين الصدگ ماگصريتي


هههههههههه

تحياتي

مشكورررررررررة كلام محسوس وفقتى

أنا ام الكنائسِ والمآذن
مو كاعي ضريح شلون تنداس
أرادوني جلدٍ غير جلدي
شلون النجف كللي تصير تكساس
أيا جسرِ الائمة من غرقنا
الك عثمان هو الجان غطاس

جميل ما كتبته في هذا الموضوع رائع جدا
تقبلي تحياتي
لقد اعجبني كلامك
اخوك سيرانو

ينقل ينقل ينقل ينقل ينقل للقسم المناسب انتبهوا يامشرفيييييييييييييييييييييييييييين





هل هذه القصيده لكي اجيبيني؟؟؟

وانا اقول لكي لا هي للشاعر محمد الكعبي

سوف احول ملفكي للاستاذ ماجد

لانكي لاتكتبين منقول وسبق وان حذرتكي وذكرتكي بالقوانين

ههههههههههههههههه
خو ماكو شي يمعوده ملاك
اعصابج لتصير بيج مفخخه
اهم شي هدي نفسج

خويه انت ماتعرف اني شنو جاي اسوي والله محد جاي يساعد من المشرفين المختصين لان النقل من غير كلمة منقول ايسوي مشكله لان دخلوا علينه شعراء انسرقت مواضيعهم واشعارهم وصارت مشكله كبيره والله اني مو راسا احذر انطي بسامير طيبه بالاول وبعدين اشوف محد جاي يتفاعل ويساعد لامن المشرف المختص ولامن الاعضاء ليش
والله انطي فرص كثيره بس محد جاي يتعض كولي شنو اسوي واني اسوي اذا كان اكو حل غير انه احذر بعد ان انذر
تحياتي

ههههههههههههههههههه والله قصيدة حلوة .. عاشت الايادي

هههههههههههههههههههههههه ملاك شبيج يمعودة اعصابج ترى الدنيا ماتسوه ؟ اكول هية كاتبة منقول تحت المشاركة ؟ مو لو مو صح ه المهم لاتضربين مسامير ولاشي منا وغاد راح نصير عيون مفتحة ولاطيرر الطاير يعبر منا ههههههههه تحياتى الك



دموع الحزن ترسم لي بداية واقع الحرمان
........................وعيوني تسكب الدمعه وفراقك حيل يشقيها

رسمتي الليل في عينك سقيتيه الغروب الوان
........................وغيوم الهم في صبحك تزيدي همومنا فيها