المساعد الشخصي الرقمي

مشاهدة النسخة كاملة : دارميات العراق



النهرين
05-10-2007, 04:14 AM
دارميات








مساء الخير يلي من العسل اصفه ... لوبيدي علاج الناس اخلي شوفتك وصفه







اكتب جوابي عليك معروفه الاسباب ... لو صرنه متحدين جرح الوطن طاب






سن الضحك وياك لازم اشلعه-كلبي الرف عليك من صدري اطلعة






ما ظل فلس بالجيب واتصل بيكم....ولا فرس يم الباب واركب وجيكم






يسألني البطران ليش راسك أگرع ... مايدري على الحلوين شعري تشلع






وين البخت يفلان وتكلي مبخوت ... لو اشتغل دفان هم محد يموت





زين البخت وياك واصل لهلحد ... احفر كبر للمات كالو عدل رد






يسألني البطران حالك إشلونــه ........ الغاضب الله عليه هم ينشدوونـه





يسألني البطران ليش وجهك اصفر ...... مايدري على المحبوب قلبي تفطر





تلهط تلم فلوس شكد رايد تعيش


اهوه الجفن بي جيب مثل الدشاديش

ترضعه رقم اثنين وتحسبه ابنه
وتريده تلي الشيب يوفي للبنهه

ثاري البنات اشكال مثل الجفافي
منهن تخون بساع منهن توافي

شماتي مو شمات شماتي انضباطيه
بالكبر ويكولون عندك هويه

شماتي مو شمات شماتي شمات

بالكبر ويكولون حي بعده لو مات

شماتي مو شمات شماتي اشرار
بالكبر ويكولون ياربي بالنار

عرجه وكسرني البين وبعيوني ماشوف
جابولي طاري هواي كمت ازحف زحوف

من جبتو طاري هواي تيهت شوري
خدرت بالفانوس حسبالي قوري

ياكلب مشتاكين لعيون اهلنه
والكلب ينزف دم والله امتحنه

ياكلب مشتاكين لعيون الاحباب
والكلب جر حسرات وعيوني عله الباب

ياكلب ماداويك ظل انزف بدم
هم عشق هم فراق هم وليه العم






منقول










تحياتي

ارشيف الفرات
05-10-2007, 06:55 AM
الله الله على الروعه والابداع
جزيل الشكر لك اختي اخي العزيز
موفقين بعونه تعالى
تحياتي

العراقي الطيب
08-10-2007, 02:26 AM
كلام جميل تحياتى الك

لاتـُسافرْ

إن عيني قد عَصَتْ أن تدمعكْ

لن أرى وجَعِي معي إن ودَّعك

لاتـُسافرْ

cyranoo
10-10-2007, 03:40 AM
الله عليك دراميات كلش حلوةو لو اني ما اميل لهذا الفن من الفنون
تقبل تحياتي
اخوك سيرانو