قصيدة عن العراق

ماعوفك چذب يـآ موطن الاحرار
شلون تريد اعوفك وانتَ شرياني

وطبع بينه نظل لا ما نطخ هامات
وابقى انه العراقي برغم احزاني

واشاهد دم اخوتي يغسل الگيعان
واشگف بيدي هاي اسهام عدواني

اشگف ما اصيحن آخ واحني الراس
واظل واگف وتد بعيون جيراني

لان جيراني صارت مو وتد وياي
جيراني صفت بالشـــده نيراني

وعلى طيبة گلب بايعت هذا وذاك
ومن صارت صدگ شو ذاك باعاني

يبيـع الدم عليـه لمن احتاجيـت
وآنه الدمـي الـه صبيته مجـاني

دعرف قيمتـك وانوب رد اردود
سد وصمة العار بيوم جولاني

وآنه المـآ ردت جيراني تنزف سيل
اگولن ربي بالجيران وصانـــي

وآنه المابعت نگطة الغيره ودوم
اشيلن على متوني هموم صحباني

ومن طگنـي الوكت حسبت جاري يگوم
فعلاً گآم بس بجمـــرة چــواني ....

بس ثق وأعتقـد كلما تزيـد النآر
ابقى انه العراقي وهذا عنواني


قصيدة اعجبتني ولكن لا اعرف من صاحبها عندما اعرف ساضيف الاسم
اتمني ان تنال اعجابكم






تحياتي

شكرا لكم جزيل الشكر وينقل للقسم المناسب

شكرا جزيلا على نقل الموضوع الى منتدا الشعر الشعبي

تحياتي

ماشاء الله كلام جميل جدا
شعبي اصيل من ابن اصل
مشكور و صح لسانك
ماقصرت
براك الله بيك
تقبل تحياتي
اخوك سيرانو

شكرر اخى الغالى العراق ابونا وامنا لابد تحياتى


عــــــراقييـــن كمـــنا بـــزود عدلنــاه من شفـــنا الزمـــن مكلـــــــووب ميـــــــــــزانه

وأذا طبـــــــع الزمـــــــن يكتـــــــب عنــاوين ..يظــــل أســم ((العــــــراق)) بــــزود عنوانة

مشكور اخي على الشعر الجميل

اهديك هلي القصيدة



بيتنا بيت الحب والمحنة
بيتنا صابئة واكراد وشيعة وسنة
بيتنا بيت علم وفن وغنة



بيتنا بيت الشوك والحزن والمونة
بيتنا من الشرق للغرب كلة عراقنة
بيتنا عمرة مافرقتة الشيعة والسنة
بيتنا من الشمال للجنوب كلة محبة
بيتنا اطيب واحلى واغنى دولة
بيتنا بيت الحظارات والفرات ودجلة
بيتنا بيت الكرم والضيافة والدلة
بيتنا شمعة ونور المحلة
بيتنا بيت الحب والانين
نضل نصلي وندعي ونكول امين
نتمنة يوم رجعة العراق أمين

مشكووووووووووووووووووووورة
على الأبداع
أرق المنى