طبعا ما اعرف شلون ابدي وشلون افوت بالموضوع جدييات مستحي لاول مره
بس احنا اخوان انشاء الله حتى لو صارت بلدفرات نبقه اخوان ان شاء الله


سؤالي للبنات خواتي العزيزات والله الكم بقلبي معزه مو بس معزه وياها صخله وخروف وهايشه
بس الي تشوف نفسها محرجه ومستحيه لا تجاوب ولو اني محتاج اكثر من رد حتى اصل الى النتيجه لانه كولش قلق من هاي الحاله واريد اعرف الحقيقه


سؤالي اله علاقه بالزواج يعني بس محرج شويه بس والله مثل خواتي انتم والعرض واحد
الله شاهد وطبعا لا حياء في العلم واحنا بالمنتدى للفائده العامه قابل جاين انسق لو نصادق
لا سامح الله


السؤال المحرج لكل ابنيه هو اذا اتقدملج واحد يخطبج وجان اصلع الراس يعني ولا شعره
براسه بس الشعر بحواجبه بس حواجب بيها شعر يعني مو املط لا هو اكرع راسه صبه
مابيها ولا شعره حتى شعرة مابيه يعني من يغسل راسه بس يمسحه بوصله ماكو
لا شامبو ولا صابون لانه يزلك الوغف من راسه اصلع ولا شعره براسه صحراوي راسه
يعني اتقبلين بيه لو لا اول خلي انسهلها شويه راسه بيه شعر خفيف بس من الجوانب
اما القمه كرعه ناصعة البياض اتقبلين بيه علما هو اخلاق عاليه ومركز وعائله


اني ليش سئلت هذا السؤال المحرج لانه البارحه شفت ام صادق هي مطلكه من زوجها
لانه هي تحب تروح للكاظميه تزور بس زوجها مايروح وياها لانه هو واحد سكير حقير
سافل منحط سرسري كلب ابن كلب ساقط وهي تحب تروح للزياره لانه امنسقه وي
الكيشواني مال الكاظميه اتبوك منه نعل وقنادر وتروح اتبيعها على النسوان بالمحله
مالتها

وهاي ام صادق اتقدم الها هسه واحد بس اكرع وهي متردده لانه هي تحب تلعب
بشعر زوجها وتغني بتونس بيك وانت معايه بتونس بيك الاغنيه مال ورده الجزائريه
وتكول اذا هسه ازوج ابو كرعه الاصلع شنو اغني واني العب بالكرعه مالته اغني
ياحريمه ياحريمه لو اغني اي مو كالوا الوظع جديد راح يصير اشو وين الوضع
عن الكبل هسه


واني خفت من ردها والتردد مالتها يعني اني على ما اتزوج حتى شعر حواجبي
واكع وتاليها وين انطي وجهي


بلكت اشوف ردودكم يابنات اذا اتقدم واحد اكرع واصبع ولا شعره براسه
توافقون عليه لو تترددون

والله مااعرف اردشلون سوءالك كلش محرج
موعيب عليك تساءل هيج اساءله بالمنتدى
هااااااااااااااااااااااااااااااااااااااااااااااااا اااااااااااااااا
؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!

هلا اخوي ليش منحرج عادي الرجال مايعيبه الا اذا كانت اخلاقه سيئه والشعر الاهم للبنت

لالا عادي اخويه

المهم الاخلاق بس تريد الصراحه اذا كان اصلع على كولتك ما نوافق

يعني بالنسبه الي والله ما اوافق هاي الصراحه




مشكووووووووور

شكرا والله ردودكم عجبتني تحياتي الكم مروان الانباري