اسمي بجواز السفر تعبان ابن مره
من الكصه وياهم وكت ما عف ولا مره
من اولاد ذاك الذي دك بالصخر مره
من شاربين العطش من عاصرين الجود
للمبعد الينتخي ولليدك باب الجود
لايبخلون بعطه ولا يردون الجود
عدهم شحيح الخبز مثل الجثير الضال
بفيهم ينام التعب لو شح عليه الضال
اليضيفون النجم واليدلون الضال
اهلي الجرح والصبر لو تسل عن همهم
وامهم الترضع وفه شما كلت عنهه امهم
ضل تاج عزهم فخر ما نزل عن هامهم
عشرينهم ما طفت ما تننسي شعبان
بزمورهن سولفوا وهلاهن شع بان
واهلي اصلهم شعب ما ينجسم شعبان
بالحلو بالمر اهل هور وجبل وانهار
هم شفت ريح اوجعت ظهر الجبل وانهار
ذوله اهلي يابو النشد ليل اليمر وانهار
يكطر نخلهم عسل وارياكهم مره

تحياتى الك يافنان نورت


إلي يبتعـــد عـــن هـــلــــه النـــاس ما تهابه
و لو جاع و لـــه مرض من يحسب احسابه
إلي على داره ابتـــــعد ما يـــلقى مــــقداره
آه على ذلـــــــة الغــــــــرب يا بويه يا يابه
خايف انا و ارتجــــف جــــن عايش بغابه
و اتمنى من الوطـــــن بس شـــمت اترابه

ابداع رائع
لا تنسانا اخي من سيلان اشعارك تقبل تحياتي
اخوك سيرانو

الله الله الله عاشت ايدك أخوى
أهلى اصلهم شعب ما ينجسم شعبان
اتحفنا بجديدك

والإبــــداع تجلى بأحرفك
سرني أن بقيت بعضاً من وقت بين أسطرك
ولك التقدير والتوقير

كان عهدناك متميز


مدري الوطن حزنان مدري الدنيا حزنانه اشو ما شاف العراق الخير من ذوله جيرانه كلها اتريد منا ومحد انطاه ولا فد يوم صاح اشكثر عانه كضينه العمر وياه كلها احروب والشعب ضمه ابكلبه وهوه شريانه