انا الصابر .. صبر عاكول بالبيد ..
من يعطش رمل بشفافه ايضوك ..
وانا عاشور .. ما يتصافه وي عيد
حتى ابضحكتي بالعبرة مخنوك
طحت.. عود اخوتي هدوا هواديد
اشو ردوا علي واني مطكوك
كمت مجبور اشاكف واني بس ايد
شصد ابايد؟؟ وحده وهي راشوك
اتلاوه وياي حظي .. ملاوه عربيد
سبع والله .. ورفعته وشلته فد ايد
ما طخ النخل راسه
ليريد الرطب يصعد للعثوك
ما طخ راسي لحد مثل ميريد
ولا كل للحرامي ابرحتك بوك

اني الجنت اكد اعله الكواديد
وانا امزامط طرت واجناحي مشبوك
لجل هاي الوكت هددني تهديد
وشلع كلبي شلع شجرة من العروك
الف وسفه .. طحت وانه الجنت حيد
وطلعت اكبال شامت
ثوبي مشكوك

م ن ق و ل

مشكوررررررررر اخي العراقي

تحياتي الك