لعابه
گلبي مالـعب غــــيره لعابه
واحس شفه لأمراضي لعابه
سبحان الذي صاغه لعابه
ونفخ بيه روح حتى يعم عليه ...

* * *
لابستني

يل بهمــــك ملابس لابستني
وثوب الحزن بيدك لابستني
رحت لا صالحتني لا بستني
ولا گتلي چذب حقك عليه ...

* * *
بس بس

كافي من البعـــــد يا ترف بس بس
ومنو البذنك على الهجران بس بس
گبل تركض تجي لو صحت بس بس
شجاك شغيرك هسه عليه ...

* * *
لمه
العمر ماي وتبده كلف لمه
وعلى لجمات همك صفت لمه
گتـــــله شوكت تفرح گال لمه
اشوف جنازتك تمرگ عليه ...

* * *
سوادين

اطلبـــــه واجــــــه وفاني سوا دين
شدهني وصارن براسي سوادين
يحگلي احزن عليك البس سوادين
الوجه والثوب اصبغهن سويه ...



منقووووووول

مشكووووووووووووووووووووووووو العراقي الطيب

تحياتي الك وعاشت ايدك

شكرا الج وشكرا لقلمك الى يدون كل مشاركاتى والله يوفقك يا غاليةةةةةةةةةةةةةةةةةةةةةةةةةةةةةةةةةةةةةةةة

عاشت الايادي على الابوذيات الروعه
تحياتي

البابلى مشكوووووووووووور وفقك الله اخي