مدري شحجي
تاهت الجلمات مني وشرد اكَلك
شرد اكَلك
ليش ماكَلت امناالول مااحبك
شرد اكَلك
تدري عفت انه الدروب ومامشيت ابغير دربك
شرد اكَلك
تعبت كَلبي ابهواك وجان همي اسعاد كَلبك
شرد اكَلك
وانته مني وانه منك
شرد اكَلك
ياجسم يمشي اعالروحي وانه دمك
شرد اكَلك
وانته ياروحي العزيزه وانه جسمك
شرد اكَلك
ياكَلب ماشال كل غل ابحياته وانه نبضك
شرد اكَلك
ونته طولي وانه ضلك
شرد اكَلك
وانته ياسحر العيون وانه رمشك
شرد اكَلك
وانته ياعين المحبه وانه دمعك
شرد اكَلك
وانته يااحله عيون وانه كحلك
شرد اكَلك
وانته محبس وانه جفك
شرد اكَلك
وانته يااحله ابتسامه وانه سنك
شرد اكَلك
انته يالصدرك زجاج وانه عقدك
شرد اكَلك
انته قرآن العشك وانه الكتبتك
شرد اكَلك
انته مرسول المحبه وانه وحيك
شرداكَلك
انته يامسجد صلاة انه قبلتك
شرد اكَلك
وانته ياقاضي الغرام وانه حكمك
شرد اكَلك
وانته دستور الهوى انه الوضعتك
شرد اكَلك
وانته ياشمس المضيه وانه فجرك
شرداكَلك
وانته شلال الوفه وهاذ انه نبعك
شرداكَلك
وانته شاطي الخير تجري وانه جرفك
شرد اكَلك
انته ياسدره التفيي وانه جذرك
شرد اكَلك
وانته ورده وانه حقلك
شرد اكَلك
ونته بستان العشك وانه الزرعتك
شرد اكَلك
وانته يااعرق حضاره وانه مجدك
شرد اكَلك
وانته ارض الرافدين وانه نهرك
شرد اكَلك
انته ياقصر الارام وانه سكَفك
شرد اكَلك
ياجبل راسي ابشموخ وانه قمتك
شرد اكَلك
انته يمضيف المحبه وانه شبتك
شرد اكَلك
انته نسمت صيف تسري وانه اشمك
شرد اكَلك
انته شِربت ماي سم لاماحسبتك
شرد اكَلك
انته ياليل السكون وانه نجمك
شرد اكَلك
يانغم غافي اعالشفتي انه العزفتك
شرد اكَلك
ونته يالوحه ثمينه انه الرسمتك
شرد اكَلك
انته يااجمل قصيده انه الكتبتك
شرد اكَلك
ونته صندوق العجايب وانه قفلك
شرد اكَلك
يازرع يالماحصدتك
شرد اكَلك
ونته زاد وانه ملحك
شرد اكَلك
انته يالماكو ابحلاتك وانه طعمك
شرد اكَلك
ياطفل غافي وهزك وانه مهدك
شرد اكَلك
تعتقد مثلك اكَولن مااحبك
شرد اكَلك
ابقى احبك
لوصرت بالزاد سمي راضي اجرعك
وابقى احبك
لون تحكم عليّ اعدم راضي حكمك
وابقى احبك
لوتذريني رماد ابريح صرصر مااملك
وانته احبك
لو الف مليون كلهم مثل طبعك
انته احبك
تدري اموال الوسيعه ماتغرني واكتفي
ابفد نضره منك
ابقه احبك
انته احبك
والله احبك

بقلمي المتواضع عسى ان تنال اعجابكم
كتبت بتاريخ 14/5/2002

احسنت اخي المفرجي
قصيده رائعه
ننتضر القادم
تحياتي

قصيدة روعة
لصاحبها الاروع
دمت متالقا يا راقي


تحيتي لك

كلمة روعة او إبداع او تالق احترت بأيهما أبدء

لكن ما أكلك غير سلم الله لنا هذه الانامل الراقيه

تقبل مروري البسيط

السلام عليكم حبيبي المفرجي
شرد اكلك ضيعت بعض المحاسن-من قصيده رايعه انختمت باسمك
شملت الحلوات كلهن-وانته مثل الرازقي-شما كثر حجيك زاد عطرك
جانت مطرزه بليلو--وبكلبدون المحبه--تلمع من بعيد شفناه حبيبي وهذا طبعك
والشعر صدكني هو الباس اديك --وصار شاعر-كام يتغزل بشعرك
تقبل مروري--تحياتي لك

يسلم قلمك الراقي اخي
اتيت لارد لانك شاعر وللكلمه
عندك وزن ومعنى رائع لم استطع الذهاب
دون ان اترك مايدل على اني كنت هنا

احسن الله اليك يالرحال وشكرا لمرورك
الذي اسعدني تحياتي

شكرا لك اخت زهراء على هذا الاطراء
والمرور الرائع لك ودي وحترامي تحياتي

اسعدني مرورك اخت نور الهدى شكرا على
الرد. وكلمات تعبر عن روحك واحساسك
الكبيرين لك خالص مودتي واحترامي تحياتي
يالغاليه

اخي الغالي ابو الليث مداخلتك وردك الجميلين لاانساهم ابدا ولهم دلاله على
روحك واحساسك المرهفين فلك امني اطيب
مشاعر الاخوه الصادقه لاحرمنا الله منك
تحياتي

اخي نبراس مرورك الكريم اسعدني وكلماتك
الجميله افرحتني شاكر لك هذه المشاعر العذبه تقبل ودي واحترامي وتحياتي

دُرر تناثرت من قلم مبدع في هذا المنتدى
فغدى لها بريق ولمعان يجذب القراء شكرا
لك يافنان

الفن والابداع متاصل في ردودك الدريه
شكرا لك وتقبل تحياتي

الله عليك وعلى ذوووووووووووووقك كلمات جميله جدااا اتمنالك الموفقيه :66 (46):

شكرا يالحن الوفاء على هذا المرور الذي اسعدني
وتحياتي

والنعم منك شاعرنا الغالي
شعر رووووووووووعة
بستان مال ابداع
اعجبني جدا نثرك الكريم
وحرفك الطيب
تقبل مني ارقى واعذب التحيات
عجبت ؟؟
كيف فاتني هذا الابداع
صح السانك
اخي محسن المفرجي
ممنون الك

شكرا لك يالغالي نظرات على مرورك.واعذرني لتأخري بالرد
لاني لم اكن موجود.تحياتي