:66 (205): عمي خلف الله عليكم سباع يهل الغيرة
وعمي خلف الله عليك فييرا

عمي خلف الله على نور العظيم
صدله طوبه گلت صبت باللحيم
غير ربك لطف بشعبة الكريم
چان شهرونه الجماعة شهيرة
وعمي خلف الله عليك فييرا
شفتو باللحظة الاخيرة..شلون چا صارت هدف
انا ابوي الحجي عنده..جلطة من يمه رجف
چان موتو العراق ..ونصها راحت للنجف
وچان عدنا الحجي طفة وهبط عنده امبيرة
وعمي خلف الله عليك فييرا

وين هذا الگال افوزن ...انا وي صحباني
گال اسجل عشرة يمكن ...واحد على الثاني
والله ذبحونه الجماعة بياسر الگحطاني
يالله وينك ما تسجل ..طلع بوخة شيرة
وعمي خلف الله عليك فييرا

شفتو جاسم من اجه لياسر گبل
هيچ لاحة شويه شو هذا انجطل
باگ كلش هوا منه ..يعني ياسر هم عطل
رجعاه يلعب مدافع ..لأن چفه ديرة
عمي خلف الله عليك فييرا

باسم رحيمة ويا حيدر ..ذوله ابطال الدفاع
خط دفاع الموت ذوله... الترتجف منه الگاع
يا شجاع الگابلاهم ..ينهزم هذا الشجاع
اللغز ذوله المحير.من صعب تفسيره
عمي خلف الله عليك فييرا


طول ويا كرار بيهم..طول يابو الموزمة
حيل رگصهم ترگص ..وانت ابن حامي الحمة
فرحت كل العراق ..الارض فرحت والسما
لأن شعب الغيرة احنا ..ومن صعب تغييرة
عمي خلف الله عليك فييرا

قصي وي هوار يركض..وابد ما لحظة تعب
هذا عباس ويا هيثم ..صالح البيهم لعب
ويونس بكلته العجيبة ..الفرحت كل الشعب
نسى كل هموم كلها..ونسى كل تفجيرة
وعمي خلف الله عليك فييرا
الناس يوم اللعبة گعدت ..بال12 يمكن ظبط
نست هم الغاز كله ..والتفخخ والنفط
ولو اول شوط متنا.وصعد عدنا احنا الضغط
المهم جتكم عقود وصعدت التسعيرة
عمي خلف الله عليك فييرا

رغم تفجير وتفخخ ..والبلد ما بيه امان
بكل مكان الناس رگصت ..ورگصو حتى المكان
وانا اتحدى مواطن ..ماشرب تحت اللسان
هيچ من طگها يونس براسه چن تفجيرة
عمي خلف الله عليك فييرا

ومن ركض مهدي كريم ...وغط عليهم چنه ذيب
شفت بس دريس يركض ..چنه هذا البيب بيب
واحنا هم نركض وراهم.. ننخى وينك يا مجيب
فرجنّا على العراق ..وفرح الديرة
عمي خلف اللعه علي فييرا

خو نشأت رگصاهم ..هيچ عالوحدة وربع
گام هيچ يخوط بيهم..داخو گباله الربع
والله لو عدنا امان..ومستقر عدنا الوضع
چان خلينا العراقي ..بالنجم تسعيره
والله خلف الله عليك فييرا

انتو شفتو فييرا لمن..خلصت اللعبة بچى
بقى صافن عالفريق..وكلمه وحده ما حچى
زلمة طاح البخت عنده ...والبخت وياه بچى
گال دوخني العراق..شلون شايل غيرة
عمي خلف الله عليك فييرا

الزلم مو لعبة لعبو ...چنها ساحة معركة
اي فريق اليجي يلعب..عالسريع نچكچكة
استرالي ويا كوري ..وي فريق المملكه
وياهو انكظة نغسله يحظر التأشيرة
عمي خلف اله عليك فييرا
ــــــــــــــــــــــــــــــــــــــــــــــــــ
مو ما تردولي تره صارلي نص ساعة اكتب بيها علمودكم
تحياتي



الشاعر المبدع رياض الوادي


تحياتي.......

عراقي7 عضو جديد

شكرا جزيلا لهذا الشاعر وشكرا لك كثير لنقلك القصيده الف شكر

لـبـيـك يـا عراق الخير والرجال التي لاتكل انشاء الله
روحي لك الفداء ياعراق
,,,
,,
,
بسم الله الرحمن الرحيم
اللهم صلي على محمد وآل محمد وعجل فرجهم الشريف
السلام عليكم ورحمة الله وبركاته
بارك الله فيكم اخي العزيز عراقي 7 شكرا جزيلا
لنقلك
لهذه الكلمات الطيبه والصادقه

يوفقكم الله تعالى و مأجورين إن شاء الله بحق محمد وآل بيت محمد

ولا تحرمونا من دعواتكم الكريمة
أسأل العلي القدير ان يمن عليكم بزيارة روضة الايمان روضة
الجنان روضة اباالحسن امام المتقين عليه افضل الصلاة والسلام
بحق دماء امام الوجدانه والانسانيه روحي له الفداء
سيد شباب أهل الجنه
الامام الحسين عليه افضل الصلاة والسلام
ان يمن عليكم بزيارة الامام علي عليه السلام في الدنيا والاخره




تحياتي
__________________

:66 (6): :8: مشكوور ابو مهند النجفي

السلام عليكم




هل تريدون قصايد رياض الوادي لدي المزيد منها و هي:

1-أنفجار بكية

2- سرسرية

3- الكهرباء

4- نفك ماكو


و لدي الكثير و الان اعطيت شعر عمي خلف الله عليك فييرا


مع تحياتي عراقي7:2:

عاشت انفاسك يا شاعرنه الوردة يا رياض الوادي