السلام عليكم
اوقاتكم سعيده دومآ يارب

أحببت ان اطرح هذه الفكرة
وارجو ان تنال رضاكــــــــــــمـ

هذا الموضوع عبارة عن ساحة موسعه لأهداء الدارميات لمن تحبون

كما ويمكنكم مساجلة بعضكم بالدارمي

والسؤال والجواب كما هو معروف :- مثل

يمعوده شيلي الزاد بالهم تعشيت
جابولي طاري هواي وبالزبــده غصيت .... سؤال



يل بالزبد غصيت متعجب انتَ .
قدملي بيك هواي سمّ وجرعته ............ جواب


سأضع اولى مشاركاتي بهذا الموضوع وهو دارمي كتبته
يكَول ....



سلاني سل فركَاك واثر بالجفون
من كثر وني عليك ذبيت العيون



منتظرين اهداءاتكم الحلوة

ودارمياتكم الرائعه

بهذا الموضوع


خالص حبي للجميع


:66 (46): :66 (46): :66 (46): :66 (46): :66 (46): :66 (46):

سبحانه من سـواك نص وجهك إعيــون
إزغيــر سبيــت الناس من تكبر شلون


سـلـم ولَو بالعين تكفي الإشــــاره
روحي إبتلت بهواك .. سـويلي جـاره



مشكوره اختي على الموضوع

سكف البنيتة وياك باقي بمجانه ,, ماخر يبعد الروح بس خر زمانه

اتمنى العراق يصير للدنيا جنة ,, ونحتفل كلنا بعيد شيعة وسنة

اهواي افكر بيك تجبرني روحي ... ريت الافكر بيه يداوي جروحي

الجواب:

زين انت عندك روح واجروحك تروح ... من عرفتك لليوم ما عندي غير النوح

انطيني مهلة انساك شتضنها سهله ... روحي بلياك ماضنها تحله

الجواب:

انطيني مهله انساك يالماتحبني ... ماريدك انا اليوم لو موتتني

سددت سهمك علي وصوبت بيه الروح ... كل الجروح تطيب بس هذا مايروح

الجواب

من سددت سهمي عليك سهمك سبقني ... جرحك ما درسنا عليه دكتوري كلي

(اهداء خاص الى خوخه الانباري)

وحدي ابنص الليل بس حيرتي أوياي
أبجي أعلى وقت الراح واتنطر الجاي


يجاوبون


يالتون تالي الليل سمعني حسك
لولا القلت والقال لعبر وونسك


للخوه ماقضيت شي ماقضيته
حتى الصخر ياناس وتوسديته


يجاوبون


بالك تقول الاه ياخويا بـــالك
كل التقوله ايصير روحي ابدالك


سبحانه من سـواك نص وجهك إعيــون
إزغيــر سبيــت الناس من تكبر شلون


يجاوبون


هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون



هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك


يجاوبون


هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي


شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله

يجاوبون


إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع


إلي تطلبه ايصير بس أمر انــته
أو لاتعب الجلمات أشرلي سكته


يجاوبون


الردأطلب وقلك صار تامرني أنــــته
عمري من أول يوم بسمك رهنته



بالـك تمر بالدار عنها إشمر إبعيـد
دار العزيز هواي نوح وبجي إتريـد


يجاوبون


عمداً أمر بالدار والنـوح أزيــــده
وأسمع صداهـا إيكًـول راح التريـده

عمداً أمر بالدار وأشبع مغمــه
وابجي بجي المفطوم ومفارك أمه


(هذه اهداء الى اختي العزيزه خوخه)

مشكورررررررررررررررررررين والله تخبل

وردودكم الحلوة خجلتني

شنوووووووووووووو هاي تخبل

تحياتي

والله والله تسلمووووووووووووون

تخبل عاشت ايدكم

بسم الله الرحمن الرحيم

اللهم صل على محمد وال محمد

.............

اخوتي وخواتي الافاضل

السلام عليكم ورحمة الله وبركاته ..

تسمحوا لي بالمجارات ..

اريد الجواب ومن خاطره ليس مگيول من قبل ومحد سامعه ...

العراقي يقول ...


صح آنه حايط طين وأصلي بوصط ماي

أنثلم بس مـــــــــــــــــاطيح وچايد إعداي

تحياتي ولي رجعه

مشكورررررررررررررررررررررررراخي الشاعر

وتسلم ايدك

تحياتي الك

خووووووووووووووووش موضوع يخبل مشكووووووووورة
علموني ابجي اشلون علموني ونات
مدري ابجي على ساهي العين لو ابجي على المات
صديقه الاول : لا تبجي على المكتوب من الله جاله ابجي على ساهي العين هو البُقالَ
صديقه الثاني: لا تبجي على المحبوب لا تبجي على المات بجيك بعد ميفيد ويرجع الفات
اريد ابجي يخوتي وشاهدي وياي
على الوادي بجيت وحرميت الماي
ترى العين التساوم علشرف صلفة
ولكَلب الي ينجرح ما جنة يشفة
مبروك و الف مبروك يلمحبوبة هل زفة
خل ينعم الماشاف لا صعبة ولا كلفة
ولا ضربة شموس الصيف ولا مل الجدم وكفة
شتتعذرين شدكولين زواج وصار بلصدفة
اذا اذب الصوج باهلج تطلعيلي بالف حرفة
لو هو حلو و مهيوب وبايك اكليبج بعطفه
ولو هو ورد جوري وانا الشوك والحلفة
يبحر الي تبرى بساع من ماية ومن ملحة
وينخلة المتحمل اعثوك بس الجدع والسعفة.

وبس ههههههههههه

مشكوررررررررررررررر عيوني انت على هذا الرد الحلو

تحياتي