:66 (46): شنو رايكم بترشيح اختنا اميرة للكرسي يللة رشحوهاو ارجو ان تكون هي ضيفة الكرسي:66 (46):

يللة رشحو الاخت اميرة لتكون ضيفة كرسي الاعتراف

اهلين اخي اسو
اشكرك على ترشيحي لكرسي الاعتراف و ايضن اشكج اختي ابتسام:66 (46):
انا موافقة :8:
اسئلو اللي تحبونه

تحياتي

بسم الله الرحمن الرحيم

1/الاسم الثلاثي هههههههه
2/العمر
3/بلد الاقامه اذا كنتي في العراق اذكري اي محافظه تعيشين
4/الحاله الدراسيه
5/الحاله الصحيه ههههههههه
6/لونك المفضل
7/هواياتك
8/هل ترغبين في زيارة اي بلد
9/ما هو الحب برأيك
10/هل مريتي بحاله حب
11/هل حبيتي احد وهو كرهج
12/هل حبج احد وانتي كرهتي
13/هل هناك للرهاب تأثير في حياتج
14/اي الفنانين تحبين
15/ ما هو برجك
16ما هو رايج بالمنتدى الفراتي
17كيف تعرفتي بالمنتدى

وانشاء الله ما اكون ازعجتج بالاسئله
مع تحياتي

بسم الله الرحمان الررحيم
اشكرك اخي رامي على الاسالة الكثيرة ههههه
لا والله اشكرك اخي

1. اسمي يقين
2. عمري 14
3. اني اعيش في اميريكة (على فكرة اني من الناصرية)
4. اني طالبة و راح ادخل للاعدادية (High school( وراة ما تخلص العطلة
5.الحالة الصحية مو زينة هههههه لأ الحمدالله
6. لوني المفضل: ازرق بحري (تقريباً نفس اللون اللي كاعد اكتب بيه).
7. هواياتي كثيرة بس اني لحب النت و اموت بكرة القدم و احب السباحة و كرة الطائرة و قراءة و كتابت القصص و و و و ما اخلص.
8. انا ارغب في زيارة العراق الحبيب
9. الحب شيء جميل جداً احساس رائع. يكدر يسويك انسان رائع و لاكن يكدر يدمرك.
10. هل مريتي بحاله حب؟ ههههههههه رامي انتة والله عندك سوالف
بس انا مريت بحالة حب وي العراق و انا اموت باسود الرافدين. هذولي حالات حبي ههههه
11. لا ما اعتقد حبيت احد و كرهني.
12. همينة لأ
13.للاسف هناك للارهاب تئثير في حياتي. خالي اتوفة بانفجار ارهابي كافر بلرمادي. الله يرحمه.
14. انا احب ماجد المهندس و كاضم الساهر و حسام الرسام و مروان خوري و بعد ما ادري. من الفننانات ما احب هواية
15. برجي الحوت
16. منتدى الفرات روعة والله. و هاي كاعد اكولها من صدك لئن المشرفين طيبين و مو متشددين و الاعضاء همينة حبايب.
17. اني اتعرفت على منتدى الفرات على طريق فراتين دوت كوم. (شفت اكو منتدى فحبيت اسجل بمنتدى عراقي)

لا لا اخي ما ثكلت علية بس لو مسويهن الف سوال مو احسن هههه.


تحياتي

يللة يارامي احرضهم على اميرة وارجو يا جماعة ان تسالو اميرة 60 سؤال

هلا فيج أختي اميرة الليل نورتي الكرسي حبه أسألج كم سؤال

1- شو تعني لج الحياه -الموت - البحر -غروب الشمس - ألليل؟

2-من وين جبتي ألهام القصة ألي تكتبينها و هل عندج شي جديد يعني قصة جديده؟

3-و شو تعني ألج ألأم؟

4-و أي بلاد تتمنين تروحينها؟

5_ليش أخترتي أسم أميرة الليل؟

أتمنى أني ماكون ثقلت عليج أختج روح المجروح

شنو هاي اخي اسو شو كلبت المنتدى عليا ههههه:66 (185):
نورت اخي و اشكرك على ترشيحي

تحياتي

اهلين اختي روح المجروح والله نورتي الموضوع كله. تفضلي اسالي اللي تريدين.

1. الحياة تعني اللي هواي...يعني اطيع الله و اتوفق بحياتي. ايضن الحياة تعني الاستمتاع و لاكن بهدوء و وجاهت المشاكل.
الموت شي يخوف بس حق على الكل و انشألله بعده الجنة مو النار.
البحر: اه اموت على البحر. مكان مملي بل افكار و تكدرين تشكينله همومج. و هوا شي رائع من الله سبحانه و تعاله.
غروب الشمس وقت حلو. مرات يكون حزين و لاكن هوا منضر رائع.
الليل: الليل جميل جداً. هوا غامض و اني احب الغموض. و هوا وقت رائع جداً جداً و بيه سكون.

2. والله اني دائماً اقرى قصص خليجية. و بعدين كمت افكر بالحب اللي موجود بلعراق و هذا الحب مرات يندفن بسبب الارهاب.
انا عندي فكرة لقصة جديدة و لاكن ما كاتبتها هسة. انشألله من اخلص من شوقكي يقتلني ابدي بقصة ثانية. على فكرة اني كلش اشكرج على تشجيعج و انعجابج لقصتي لئن هاي اول قصة اللي و اريد تشجيع ههههه:1:.

3. الالم الروحي يعني لي اكثر من الالم الجسدي. بصراحة انا مرات اتالم كثير بس صعب انو اعبر عن شعوري فالالم يزيد و اختج تصير كئيبة هههههه.:4:

انا اتمنة انو اروح للعراق لئن من اني زغيرة طلعنة و بعد ماشفت العراق. يا رب يتحسن وضع العراق و يصحلي رجعة.

انا اخترت اسم اميرة اليل لئن انا ابداً ما اكدر اعبر عن شعوري و غامضة مثل الليل. على فكرة انا كتبت كلمة الليل بلام واحد لئن اعجبني ان اغير ههههههه.

حبيبتي ابد ما ثقلتي عليا بلعكس انا ثقلت بجوابس هههههه.

تحياتي عزيزتي و شكراً على المرور:66 (46):

أشكرج على أجوبتك الصريحه و لازم أشجعج و يلا أنتتظر جديدج
اختج روح المجروح

الاخت اميره 000 اهلن بكِ في كرسي التعارف او الاعتراف 000 اسمحي لي ان اطرح عليكِ مجموعه من الاسئله واذا تكرمتي بالاجابه اكون شاكرا 0


1- هل ولدتي ونشاتي في امريكا وهل شعرتي بمضايقات اي مضايقات كونكي عربيه مسلمه ؟

2- هل تشعرين بالغربه وما السبيل للتخفيف من هذا الشعور ؟

3- ماهي مواصفات شريك حياتك مستقبلا؟ وهل تفضلين كونهُ عراقي او عربي مثلا ؟

انتي تسوين التوقيع لو اكو احد يسويلج؟؟؟

منذ متى وانتي في اميركة(في الغربة) ؟؟؟

اين انتي في اميركة؟؟؟

المن ارتاحيتي بهذا المنتدى؟؟؟

اشكرج اختي روح المجروح على كلامج الروعة.


اخي مازن اشكرك على مرورك و على اسالتك الطيبة:
1. لأ الحمدالله ما انولدت باميركة بس اجيت من عمري 8. مو دائماً احس بمضايقات على مود اني مسلمة بس اكو جان فد مرة صار تفرقة شوي. بس اني المنطقة اللي اعيش بيها اكو هواي عرب.

2. طبعاً اشعر بلغربة من اشوف العراق و ناسه بلتلفزيون بس اهلي و قرايبي واي.

3. شريك حياتي مستقبلاً....همممم ههههه
انا ماحب العصبي لئن يخليني ابجي بسرعة ههههه و اريده حنون و متفاهم و مو متشدد او متعصب و اخلاقه حلوة (البت كامت تتشرط ههههه) و طبعاً عراقي


اخي كاضم اشكرك على طلتك الحلوة و مرورك الرائع:
1. لا انا مو ناجحة بلتوقيع. التوقيع مالتي لكيته على موقع و عجبني.
2. انا بامريكو من السسنة 2000.
3. انا في مشيغان.
4. والله كلكم طيبين بلمنتدى بس ارتحت كثير للجماعة في منتدى المسابقات و انته من هم.
على فكرة ترى انا صرت صغيرة المنتدى لئن انتة اكبر مني بكم شهر ههههههه


اشكرك كلكم و تحياتي.

:66 (46):

مشكوره اختي اموره على هذه الصراحه

بلعكس اخي رامي اشكركم انتو على الاسئلة الطيبة و على مروركم الرائع

تقبلو اجمل تحياتي