المساعد الشخصي الرقمي

مشاهدة النسخة كاملة : البندقيه



جلنارة النساء
01-07-2007, 09:58 AM
البندقيه
أيدك على الزناد اترددت ليش
اوعليه شلون درت البندقيه
وياك اقفلت بوابه الخوف
اوفتت كدامك بدرب المنيه
الرصاص ايزخ عليه او بالي وياك
وحسبت ابشدتي بالك عليه
اصب دم وانحني ومن التفت ليك
ارد ليهم واسكت المدفعيه
على صوتك صلت رغم الجراحات
هاك احسب ابصدري اجم شظيه
انته وياي كتلي اوكتلك اوياك
سويه نعيش ونموت احنه سويه
اوحلفنه اثنينه واقسمنه بالله
اوحلفنه بدم علي والغاضريه
او تعاهدنه ابقضيه انعيش وانموت
المهم بالناتج اتعيش القضيه
او لبسنه هدوم وحده ملونه تراب
واسم واحد اسمهن عسكريه
او كعدنه شكد سويه بوحشه الليل
اخو واحدنه ويصبر خويه
او جذب طاري الهويه الجان جبناه
رغم بركابنه اقراص الهويه
مثل دجله وفرات اتحاظن وياك
اومثل تكريت وي الناصريه
انام بواجبك واغفه بملي العين
وتخلي للصبح عينك عليه
اشيل شلون هسه تريدني شصار
اوعليه شلون لازم بندقيه
اسلاحك مستحي والمخزن اندار
عكس وانشلت اجزاء البندقيه
تعال ابني العراق ابغير النقاب
النقاب ايغطي وجه الطائفيه
الغريب ايريدك اتذل عزتك شلون
وامك رضعتك غيره وحميه
العراق يكول ذمه اتجيبه وياك
ويه الموج ودالك وصيه
ابونه بمعركه ودوسه الخيول
وحيد بغيرنه واكف خطيه
خل نتلاحكه ونقاتل وياه
لحد مانهلك اونوكع ضحيه
:66 (46): :66 (46): :66 (46): :66 (46): :66 (46): :66 (46): :66 (46): :66 (46): :66 (46)::66 (46): :66 (46):

cyranoo
01-07-2007, 01:07 PM
ماشاء الله عليك اختي جلنارة
كلامك جميل
و به نفس قوي لاحتمال الصعاب
و بث روح الامل
و انتي كلامك اختي كلام بسيط و كلام شعبي يعني كسبتي نقطة علينا
يعني جميع طبقات المجتمع تفهمك
احييك اختي جلنارة

و مرحبا بك في منتدانا منتدى الفرات

اتمنى لك المزيد من التألق

تقبلي تحياتي

اخوك سيرانو

عاشق_القمر
15-07-2007, 05:26 PM
مشكورة عيني على مشاركاتج الحلوة وانريد انشوف جديدج

عاشق السود الرافدين
27-07-2007, 03:24 PM
مشكورة عيني على مشاركاتج الحلوة وانريد انشوف جديدج

تحياتي محمود الكبيسي