المساعد الشخصي الرقمي

مشاهدة النسخة كاملة : احلى دارميات للمحبين العراق الغالي



بهاء الكبيسي
30-06-2007, 07:09 PM
اشما تريد يصير ياوكتي بلواك .. ربع النفس بالروح واتماطل انا وياك


لو نهر من تيزاب شارعكم العام ... اتعنة الك سابوح خل اوصل اعضام


عيد واجاني العيد وانتم بعيدين ... تبجي وتريد احباب مجبوره هالعين


فدوة الك كل الراح والباقي فدوة ... غالي واشوفك دوم بعيوني قـــدوة



جربتكاني هواي كل رجـوة مابيك ... ولساني اكصة انوب لو هم يحاجيك



تدري شكثر يهواككلبي ويحن ليك ... وذاك انته دوم وياي حنية مابيك



ناذر وحق عيناك لو اشمياسك ... شوباش اطش سنين عمري اعله راسك


خل نكعد اني وياك ياهو اكثر هموم ... همي بكثر دنياي و الباقي مضموم


لابيك جيه وتجي ولا بيه حيل انساك ... ظلينه بس بالحلم نتلاكه انه وياك


لبغداد انا اتعنيت ومفخخ عضاي ... لو اطك انة هناك لواحضن هواي


عيون العراق أعيون من أحلى لعيون ... فن وأصاله وخير بس عدنـــــا تلكَون


اقدم هذه الدارميات لشعراء من الفرات وانا ناقل لها ..مع التقدير

البيه لوبالعيط ماتت كلوبه ... خوفي على شوفي يروح وكعد جبوبه

انهجم بيت الليلهاطوله بجفاك ... شو يمر مثل الطيف من اكعد وياك

صح انته عني بعيد من تحسبامتار ... بس انته وسط الروح مبنيه الك دار

اشما تريد تجور تخسه الليالي ... وموش اول المركاض الفخر تالي

كلما تعذب الروح ارضه انه يهواي ... بلحشر بلكييطول موكافك وياي

الخوه منبع طيب وانته من اهلهه ... وليزرع الطيبات يحصدمثلهه

هذا الوكت غدار بالصاحب يميل ... شد للجلاب سروج من كلت الخيل

سنن سيوفه وياي دهري وذبحني ... وفوك الذبح والضيم ولفي هجرني

فوك الهجر فوكالظيم هم ظالم وقاسي .. وسهمك وصل لحشاي يا اعز ناسي

كلمن يحب ينگال حب وتمرمر ... گلبة انجرح جرحين مو مية اكثر

ربيتة ردتة يصير لجروحي بلسم ... لمن كبرت وصار جرثومة بالدم



لكعد توالي الليل واذكر وليفي
وبحجة الحلمان لبجي اعله كيفي

اخوكم

بهاء الكبيسي

ba1982ul

مازن
02-07-2007, 06:27 AM
الاخ بهاء 000 شكرا لك دارميات جميله ومعبره000 عاشت ايدك

دمعة بغداد
02-07-2007, 10:03 AM
مشكور
ما شالله عليك الله لا يحرمنه منك

cyranoo
03-07-2007, 11:43 AM
ماشاء الله
جميل جدا تقبل تحياتي

ام محمد
11-07-2007, 12:04 AM
فوك الهجر فوكالظيم هم ظالم وقاسي .. وسهمك وصل لحشاي يا اعز ناسي

بارك الله بيك اخي العزيز
وفقك الله وننتضر جديدك بكل شوق
سلام

مازن
11-07-2007, 11:40 AM
بيه وكلت بالريش سهمك ولا هم 00000 لكن شكل للناس لو شافوا الـــــدم

العراقي الطيب
21-07-2007, 11:04 PM
لكعد توالي الليل واذكر وليفي
وبحجة الحلمان لبجي اعله كيفي

تسلللللللللللللللللللللللللللللللللللللللللللللللل للللللللم

خوخة الانباري
20-08-2007, 06:45 AM
تسلمممممممممممممممممممم اخي

تقبل مروري

صلاح عطاالله
20-08-2007, 08:18 PM
الف شكر اخ بهاء دارميات كلش حلوة