المساعد الشخصي الرقمي

مشاهدة النسخة كاملة : شعر للمرحوم رحيم المالكي



اميرة الليل
27-06-2007, 05:03 PM
السلام عليكم
انا اليوم جبت لكم شعر للمرحوم و البطل العراقي رحيم المالكي
ارجو ان تقرو الفاتحة على روحه بعد ما تقرون الشعر

يا عراق


يا عراق الطاح فدوه وما أنحنيت
ولو طبع السيف اصلن منحني
حارسك حيدر علي وطف كربلاء
وكلنا فد نروحلك انا وبني
سمل طابوكات طاحن وتفداك
العثر ينهض والتهدم ينبني
هذن مرن عليّ وفايتات هواي
الويهن صبر ويخسن يلوّني
جبت عمري سفينة مكّالب ويا الموج
ما شفت المراسي ويوم ّلفني
من حد السيوف الظالمة اشرب موت
ورحى الطاغية بكل يوم تطحني
صرت كلي مقابر والبيوت سجون
جن حزب البعث مصنوع يسجني
هذن كلهن ضكتهن والعرب يا حيف
شربت نخب موتي وكاعدة تغني
طرب غنت الموت وساندت صدام
شنسى من العروبة الكثرت وني
ضايع بين غربة وخنجر الجلاد
وسفارات العرب ما رضت تقبلني
وتصافح قاتلي بعض العرب لليوم
وفضائياتهم للان تقتلني
حكام العرب يا جيفة التاريخ
طز بالجامعة الحاولت تخذلني
وطز بعمر موسى وكائنا من كان
ما اريد العرب فد يوم توصلني
ما محتاج كلب القاهرة بأي عون
أنا اندل المجد والمجد يندلني
انا سن الصخر والنايبات بماي
ينشف مايهن بس ما يطيحني
تعلمت البطولة من الشهيد حسين
من كّل للسيوف الباشقة اخذني
أوجن واشتعل كلي وأصيح عراق
وا كل للجفوف الغرب طفني
عراق ويا عراق أتحملك شتصير
وما بدلك بجنة ولو تبهذلني

الشاعر العراقي رحيم المالكي الله يرحمه و يسكنة الجنة

تحياتي

قرة العين
27-06-2007, 05:56 PM
مشكوره اختي اميرة اليل على هذه المشاركه الطيبه
ان شاء الله يرحم شهدائنا ويجعل مثوائهم في الجنات النعيم
تسلمين .. وجزاكي الله خيراً

ارشيف الفرات
27-06-2007, 06:02 PM
شكرا لك اميرة الليل على الشعر ورحم الله رحيم المالكي