ومازال العراقي
اذا شاف اخو الصغير ويا جبس يكولة افتحلكيا ... حتى ياكل منة

وما زال يعد .. واحد ثنين تلاثة تلاثة ونص وربع ...يستخدمها الاخ الجبير قبل لايكفخ اخو الصغير

وما زال العراقي اذا شافك راجع من الجامع يسالك .. ها خلصتو صلا .. ( لا الامام انطانا فرصة ) ههههه

وما زال الشعب العراقي اذا اشترى صمون لازم ياكل القمع قبل لا يوصل للبيت

وما زال الشعب العراقي اذا دخل للبيت وشافة مرتب يسال لا شعوريا ... شنو جاي احد يمنة اليوم ؟؟؟

وما زال الشعب العراقي اذا سالتة وين فلان .. يحط ايدة بجيبة يكولك .. لحظة خلي اطلعة؟؟؟

وما زال الشعب العراقي اذا خلص الشامبو يملي مي

ومازال الشعب العراقي اذا احد بالحمام يدكون عليه الباب يسالوه شدسوي

ومازال الشعب العراقي اذا وقت الساعه ودكت يطفيها ويرجع ينام فد خمس دقايق

ومازال الشعب العراقي اذا شاف عين سحرية اباب بيت قبل مايدك الباب يباوع عليها


وما زال الشعب العراقي يغسل كلاص جبن كرافت ويستخدمة بلبيت

وما زال الشعب العراقي اذا علك ال سي دي يطلعة يتفل عليه ويمسحة بهدومة هههههه

وما زال الشعب العراقي اذا دخلت سيارتة ب طسة يكول ... اخ اخ ههههه

وما زال الشعب العراقي اذا حس بلملل يروح يفتح الثلاجة ويصفن بيها

وما زالت المرأة العراقية اذا صعدت عل ميزان تكول لا عينييييي ميزانكم خرباااااان

وما زال الشعب العراقي اذا فتح الموطة يلعق ال قبغ والقوطية

وما زال الشعب العراقي اذا دخل لغرفة بيها ثنين يسالهم ... شدتسوووووووووون

وما زال الشعب العراقي اذا سالتة صليت ؟؟ يكولك ليش اذذذذذن ؟؟؟؟


واسفة على الازعاج بس شسوي هذا حال العراقي

شكرا ست فاتن حلو هذا الكلام والعجيبة فديوم ابمنتدى اخرقرأت هيج موضوع وجان مصري يرد عليه يكولة هذا اللي عدكم ميجي ربع من عدنة ؟؟؟ليش الجماعة اشديسوون ؟؟؟؟ تحياتي الك ياوردة ذكرتينة بفتحة الثلاجة بعدني ليهسة اسويهة هههههههههههههههههه من اضوج .

وما زال الشعب العراقي كاتب مرموق وصاحب طرفة
كما هو حال صاحبة الذوق الرفيع فاتن تحياتي لك
((بس ترة شهرتينة وطلعتي سوالفنة كولهه ههههه))
النورس الجريح

شكرا ست فاتن حلو هذا الكلام والعجيبة فديوم ابمنتدى اخرقرأت هيج موضوع وجان مصري يرد عليه يكولة هذا اللي عدكم ميجي ربع من عدنة ؟؟؟ليش الجماعة اشديسوون ؟؟؟؟ تحياتي الك ياوردة ذكرتينة بفتحة الثلاجة بعدني ليهسة اسويهة هههههههههههههههههه من اضوج .


شكرا لمرورك الراقي بس عوف الثلاجة

كهرباء ماكو قابل باب كنتور كلساع فاتحه

هههههههههه تحياتي

وما زال الشعب العراقي كاتب مرموق وصاحب طرفة
كما هو حال صاحبة الذوق الرفيع فاتن تحياتي لك
((بس ترة شهرتينة وطلعتي سوالفنة كولهه ههههه))

النورس الجريح

مشكور ياوردة سوالفنه تدل على
طيبتنه وطيبة كل العراقيين الاصلاء
تحياتي لك ياراقي