شتسولف بعد وي خاطري المكسور!

..جام أتكسر بياسالفه تجبره؟؟؟



صفره جفوف أديك وحجيك المسموم

لون أصفر طلع والريح اجت صفره



آنه أدري بصحبتك تالي تطلع نار!!

حركت كلشي حركت صحبةالكشره



عساهه ابخت كلبي الماعرف يختار

و العرفني بيك بحظه وبعمره



كتلك لاتذب جرتك ماظل ماي

(موكل مره ترجع سالمه الجره)



وتذكر من كلتلك لاتلح عالبير

هسه شلون تشرب طلعت الصخره؟!



كطرة ماي روحي ومرهه جفك كيض

طشرهه وبجت واتبدت الكطره



بعد شتريد مني بيادفو اتلكاك!

اكلك ثلج بعدك صارت الجمره



هسه تريد ترجع من بعد ماراح ...

عمري وشد متاعه وتيهت عمره!!



هيج انه غشيم وانغلب مرتين؟!

أحبك من جديد وترجع الكره!!



لاتتعب بعد راحت الشاره البيك

من سديت بابك سدوا الحضره



وآنه ألمن بعد فاتح ضريح الشوك

شباج الكلب مايحمل العصره



بعيوني كبل جانت الدنيه نجوم

هسه أطشرن وأختنكت الكمره



عساهه بذمتك راح احرك البستان

خلهه تموت جوع جروحك الفقره



إله الموت شفتك بس كلت بيه روح

شوف شكد جبتهه وياك عالفطره



وهسه تريد روحي.. ولازم اكفر بيك

مادامك هبل ماتنحسب كفره

مادامك هبل ماتنحسب كفره

اعجبتني جدااا

قصيدة جميلة وذات كلمات غاية في الجمال
عاشت الايادي ع هذا الاختيار الرائع
شكراً لك ولجهودك

ملاحظة:لم يتم وضع القصيدة بالمكان المخصص لها
هذا القسم هو خاص بالخواطر
شكراً لجهودكم

مع تحياتي

شكرا لك يا محظوظ وشكرا على ملاحظتك

هذه الكلمات هي برأي خاطرة
ومع هذا اطلب من الادارة عمل اللازم بخصوص نقلها الى مكان اخر او ابقائها هنا

لك من كل التحايا

شكرا لك زهراء
على متابعتك لمنشوراتي
لك مني باقة ورد معطرة