رحت لشام مسبيه يعباس
أنه زينب مشيت متيهه الراي
طحت لمن شفت وي روس الرماح
راس حسين جاي وجسمه ما جاي
عليه تخاف اعرفك خويه عباس
وما ترضه الهوى يمر اعله مگفاي
چنت بيدك تلبس دموعي الحجاب
وهسه مفرعات ادموع عيناي
چنت ويا تمشي وراسي مرفوع
وهسه الشمر وسفه اليمشي وياي
على امتوني چنت تلعب يعباس
وهسه السوط يلعب بيهن هواي
بعد عينك شسولفلك يعباس
حرت بين اليتامه اوليت اعداي
احتاريت برقيه وسكنه والسوط
أصد عن هاي ضربه وضربه عن هاي
علينه الخيم حرگوهن يعباس
وحرمونه بغيابك شربت الماي
شلت هم السبايه وهم الايتام
بدرب كلش طويل وماكو عناي
اثر لجدامي ماكو بدرب المصاب
لأن فوگ الجرح يا خويه ممشاي
على حر الشمس گادونه الانذال
ومن حرهه الاطفال ادور افياي
تدگ اطبولهم وي نزلت السوط
وعلى درب السبي مشونه حفاي
وين امشي حرت صدگ يعباس
واحس بعيوني ضاگت ارضي وسماي
تمنيتك تضل وياي للموت
لكن للأسف خانتني دنياي

نلتمسكم الدعاء رحم الله والديكم

اخوكم
الشاعر
احسان القريشي








التوقيع :

اخي العزيز القريشي
قصيده رائعه حملت الكثير من المعاني
لواقعه الطف واحداثها وما جرى من السبي لأل الرسول
سلمت يا شاعرنا الغالي وسلم لنا قلمك المميز
ننتظر جديدك القادم بشوق
تحياتي وتقديري

اخي احسان
قصيده رائعه
سلمت اناملك

جميلةٌ هذه الروح التي تحلق بين أنوار بيت الطاهرين
فترسم الفرح سماءً من الروعة تكللُ الذكرى
بالصبابة النقية والمشاعر الولائية الصادقة .......


http://r11.imgfast.net/users/1112/57/17/35/smiles/1258328779.gif

اخي العزيز القريشي
قصيده رائعه حملت الكثير من المعاني
لواقعه الطف واحداثها وما جرى من السبي لأل الرسول
سلمت يا شاعرنا الغالي وسلم لنا قلمك المميز
ننتظر جديدك القادم بشوق
تحياتي وتقديري



اشكر مروركم الكريم واللهم ربي تنالون شفاعة السيدة زينب عليها السلام

موضوع في قمة الروعة والذوق الراقي
عسى حبر قلمك لايجف ولاننحرم من ابداعك اخي الكريم

عظم الله اجورنا واجوركم بمصاب كربلاء