{چم عالم (http://tha7kat-b.net/vb/showthread.php?t=98343)صفه مجهول (http://tha7kat-b.net/vb/showthread.php?t=98343)بالناس}


حرامي البيت---- وانته تريد حراس
نحرسمن----- ----اذا انته المطلوب
نخاف من الظلم -- وتصدگك الناس
وتطيح براسنه----- وتنگلب مگلوب
المثل گالوه ---طاح الفاس بالراس
والفاعل على اهله يصير محسوب
ليقدملك شرب--- واليحمل الكاس
شر يكك بالاثم ---حامل المشروب
الضعيف بهل الزمن للاسف ينداس
والعنده عمام واهل-------- مهيوب
البشر مو بالبس والجاه ----ينقاس
ولتقيس الغنى -----بالمال والثوب
غني----تباوع بوجها وهوه افلاس
غني المؤمن تحسه-- وهو مطلوب
أكو واحد بنظره تحبه-- --بأحساس
وكو عايش بصفك-- -عدم محسوب
واكو واحد تقيسه ---صعب ينقاس
واكو مكروه مره---- ---ومره محبوب
واكو واحد تشوفه-- تحطه ع الراس
وكو واحد بشوفه--- --تضيج الكلوب
واكو واحد--- --مثل وسواس خناس
وكو واحد فقير-------تضيّعه الدروب
چم عالم صفه ------مجهول بالناس
وچم جاهل على اهل العلم منسوب
وچم عنتر يجيك------ برمح وبطاس
لچن وكت الشدايد---- مثل شيبوب
ونگول تهون----- كلها تهون لا باس
عسى يرد الزمن--- من دگته يتوب

كلمات
ناصر اسماعيل الموزاني

حلوه يا ناصر ... حلوه يابن العم
تحياتي على هذه الكلمات الجميلة والرائعة

حلوه يا ناصر ... حلوه يابن العم
تحياتي على هذه الكلمات الجميلة والرائعة
شكرالمرورك الجميل لك كل الورد