شكد ما صعب
وعنادك يبط الكلب
جنك دمع هل بضحك
شما تكبر الضحكة يصب
جنك حلم عاش بحلم
جنك منايا تهد غصب
جنك تراجي تمايلت
خدين طلبنها طلب
عشكك نهر طكة العطش
مطرت مزنته وما شرب
كد ما صعب
وعنادك يبط الكلب
عنادك فلا صحله دوه
من شبهت طولك كصب
لو هزته نسمة هوه
لن منجلك حزه بغضب
من كتلك عيونك خمر
سكران بيها بلا شرب
وخدودك مراية بضوة
تكسف شمس لو تنحجب
تلبسلي نضارة عمد
وعناد تتحجب جذب
شكد ما صعب
حيرة انته ودروبك تعب
همزين منك وسألت
شنهي العلى متونك؟خشب؟
اي يا بعد عمري خشب
شايل صليب محبتك
ومتاني يا يوم انصلب

{ كد ما صعب}
هندسه لغويه سطرتها وسبكتها يد حريريه بحس تدفقي
رفض ان يتعكز رمزية التعبير وافتعال الصورة جاءت
قصيدتك عزيزي نقلة موفقة في سُلم الاداء وكل بيت فيها
قصيدة الله الله يامبدع ارفع قبعتي احتراماً

شكد ماصعب كانت روعه يعطكم العافيه

يوسف الذهاب ... ايها المبدع ... شهادة اعتز بها من ملك ملوك الكلمة الراقية والاحساس العالي والابداع الدائم ... اختي الجديدة نرجس سرني انها اعجبتك واسعدني مرورك
اخواي العزيزان عطرتما القصيدة بقرائتها وشكرا جزيلا لكم