قصيدة ألام
الام شمس الحياة الشعت انوار
ضوت بيها المشارج والمغارب
الام عنها نكول ونكتب اسفار
وما جازى فضلها بيوم كاتب
الام رسم القوافي لحلى جلمات
ونشودةمحبه بصوت راهب
الام اول عجيبه يعرف الكون
وبعدها تنذكر اولى العجايب
الخطيئه مو ذنبها ذنب قابيل
وهيه مو سبب ذيج الطلايب
امنه ماشكت للناس عازات
تفرش ثوبها بجية الحبايب
مثل ناكه صبوره شالت هموم
شوفها الزمن ياما نوايب
طبع امنه عطاء وما تمن بيه
سموحه ومن زعلها ما تعاتب
اتفكدنه وتحب لمتنه يمها
وتزعل من يكون فلان غايب
امنه بيوم طب الهمج بغداد
انكلبن بيض من همها الذوايب
بديها جابتلنه سيوف وسروج
وتشدنه على شكر الرجايب
تحشمنه وعشمها حكوك مضيع
اذا جان الشهم بيها يطالب
يقربوس النجاة بسرج محبوك
يزيزوم الحشد يوم الحرايب
وينج انتي يمه اليوم بغداد
وحش كاسر ذبحها وظفره ناشب
اللحم يايمه للعربان باعوه
وابد ما رف لجلها وزعل شارب
القربوس:حنو سرج الفارس ودفته
محبوك:من اسماء الحصان
زيزوم:عجيد القوم القائد

ااااااالله عليكـ اخويه الغالي يوسف قصيده روووعه يعطيك العافية كلماتك مؤثرة تحياتي الكـ

الاخ يوسف الذهاب سلمت اناملك
تستاهل الام كلمات رائعه
تقبل مروري

الاخ كبرياء رجل ، الاخ سجاد الرحال
كل الاعتزاز بالمرور الكريم

الشاعر يوسف الذهاب

عاشت أيدك أخي الغالي
قصيده رائعه فعلاً
تقبل مروري المتواضع

الشاعر foraten.net/?foraten.net/?foraten.net/?foraten.net/?الكعبي المحترم
انت الاروع احيي فيك شاعريتك عزيزي
واسف كون متصفحك لا يسجل تعليقاتي
هذه الايام دمتم

كلمات روعه تستلهل الام هذا واكثر

اميرة الظلام ممنون لك مع اسمى الاعتبار