يالخذيت الليل مني ....
للدموع الليل رده
يلي دمعك مانزل يوم وجوت دمعات خده
رد الي دكات كلبي
وعني باب الماضي سده
كافي مو مليت منك
وك عمر وياك خلص كلي شيجيبه التعده
وجلمة الشامت رمح لو كال وينه الماحفظ وياك عهده؟
وجنت ارده
ردة الذيب الخذو من حضنه ولده
جنت ارده
لن سواكي الشوك جانت تطفح بحب وموده
لنه جفك جان بيدي
وجنت تزعل مني ما تقبل اهده
وجان مرعى جتوفي شعرك
ومن تجيني ... عفيه اكلك لا تشده
وينتفض بركان روحي
لو زرعت بليل شعرك هاذه ورده
لجن هسه
وداعتك من جنت غالي
رمحه عيب اكدر ارده
ينطعن بضلوع صدري وماني حيله ولاني كده
وانته تدري الي يطيح وينطعن
يرتجي الجف التسنده
وسفه جفك مالكيته
والجرح بفادي ينزف عفته وحده
يملي من دمه السواجي
الجانت ابيناتنه تطفح موده
عفيه رد الليل رده

كلمات رائعه جدا
ننتظر منك كل جديد

بديع والله قصيدة اكثر من رائعة تستحق الثناء والمدح
حسجة وعباراة وصور رائعة وحدة موضوع قصيدة متكامله بحق
شكرا لك يا متميز

قصيدتك رائعه

دمت
قلماً متميزاً

الله ما أروعــــك وما أروع كلماتك
احاسيس ترجمها حرفك و خطها قلمك
فتلعثمت حروفي .. أمام بوح قلبك ..
استمتعت بتجولي وتلذذت بكل حرف طرزته هنا
تحية كبيــــرة
لقلم أبـــــداعه كبير
ونحو الرقي.

شكرا للأخوه العزيز سامي المشكور والرائع عادل المنصوري والشاعرنا المبدع يوسف الذهاب ولمشاعر الاخ foraten.net/?foraten.net/?foraten.net/?foraten.net/? الكعبي وكلماته الجميله ... شكرا لكم اخوتي جميعا وشرفني مروركم

وداعتك من جنت غالي
رمحه عيب اكدر ارده
ينطعن بضلوع صدري وماني حيله ولاني كده
وانته تدري الي يطيح وينطعن
يرتجي الجف التسنده
وسفه جفك مالكيته
والجرح بفادي ينزف عفته وحده
يملي من دمه السواجي
الجانت ابيناتنه تطفح موده
عفيه رد الليل رده

حياك كلمات في غاية الروعة تحياتي لك يامبدع ننظر جديدك ياغالي مع كل الود

احسنت ياابن البصره
تحياتي لسموك الرائع
دمت بود

جزيل شكري وتقديري للاخت فاتن وللاخ ابو حيدر نورتم الصفحه بردودكم الغالية

وانته تدري الي يطيح وينطعن
يرتجي الجف التسنده

وسفه جفك مالكيته
والجرح بفادي ينزف عفته وحده

الله عليك يا مبدع

تقبل احترامي ومروري ....تحياتي لشخصكم

مرورك هو زينة هذه الصفحة ... تسملين يا اختي العزيزة