مدري ليش ارتاحلك ونت الوحيد..
تشتعل شمعه وتنور ليلي
ومدري ليش اشتاكلك كلما تغيب..
وعود هجرك بالوفه يغنيلي
ابقه ساكت لا تسولف مالي حيل..
شموع روحي تذوب من تحجيلي
مالي حيل سوالفك جرة كمان..
وآنه شاعر صفنتي تهد حيلي
انت حسبالك نسيت وشي اكيد..
الناس تنسه الغاب عن عيونها
ونت بغيابك صرت لعيوني باب..
العين من تحن تبوس جفونها
شماغبت عالروح اكثر تشتهيك..
جن محطه تحن للعيوفونها
جنها أم ربت ولد والدنيه ضيم..
تريد منهم باجر يوافونها
أنه روحي وياك شجره وانت فاس..
تزيد حيل شماكلت بمتونها
تذوب من صفناتها وتلتم عذاب..
تخاف لا شماتها يشوفونها
مدري ليش يزيد شوكي شماقسيت..
ومدري ارتاح بس لسوالفك
تبعد وتزعل وعوفنك واروح..
والكه كلبي يجذب وما عايفك
من حلاتك دوختها الناس بيك..
واليشوفك سودن الماشايفك
انت حتى سوالفك يبجن عليك..
جي كلتها ودعتها شفايفك .


عدي فريد

مااحلى الكلمات واجملها
فعلا لها طعم جميل
ننتظر القادم منك

ابقه ساكت (http://www.alforat.org/alforat170870/)لا تسولف مالي حيل..
شموع روحي تذوب من تحجيلي
مالي حيل ياشوك حبك اسوه بيه
سودني والعذال يتغامزن عليه
رادوني انساك وابتعد ومانسيتك
شلون انسه يلكلك ترافه وطيب
ولو دوريت الدنيا كله مالكه
مثل كلبك جرعني بكل عيوبي
وبعد كل ذاك الاه ردلي بجلماته
الحنينه


تحياتي لك مع كل الحب

ههههه
ولله روعة يا شاعرنا الرائع

اردت استعارة بعض الابيات لكني تراجعت
كل ابيات قصيدتك جميله وبقه ساكت لاتسولف
مالي حيل..

ماأجمل أحساسك
درر رائعه رغم حزنها
وساحرة في تنغيمها
راقني الغوص بكلماتك
تقبل مروري المتواضع

روعه خيوو قصيده حلوه يسلموو

مدري ليش يزيد شوكي شماقسيت..
ما اعرف والله شنو الكوله امام هذا الابداع الراقي
نورت عيوني يا مبدع يا جبل

حبيبي..
ياورد شكرا الك سامي المشكور..
ومشكور ياعمري.
لمرورك.

مدري ليش ارتاحلك ونت الوحيد..
تشتعل شمعه وتنور ليلي
ومدري ليش اشتاكلك كلما تغيب..
وعود هجرك بالوفه يغنيلي

الله الله الله
اخي روعه بحق
عزيزي عدي كنت مبدع
اسف لتاخري في الرد

الله عليك يامبدع الفرات شاعرنا الجميل عدي فريد كلمات من ذهب سلمت يداك يالغالي تقبل تحياتي وتقديري

شكرا فاتن ياورد..
مرورك اضاف للقصيدة سحرا
جميل يا ورد...
مع كل الود
ياغاليه