امير النغم
غني جلمات الفرح هزني الغرام
هامت الروح ولعد بيتك تسير
من اسمعك حيل يصفالي المزاج
وفوك عالي الغيم اتكلب اطير
اطرب اشتاك واحن ياخذني ليك
مشيي بدروب العكس ولمايصير
كلبي لايب بيك حبك مستهام
تاتا عمري وبالعشك توني زغير
توني بادي اوياك يلشوحك طويل
خوف لاضيع بوكت شوحي كصير
ماتهيد اعضاي فاضحني الرفيف
خافي علتي وياك يقراها الضرير
دك على عودك نغم نبدي الحياة
ومن نفارك بيك يجمعنه المصير
شد على خيوط الشمس بصمات اديك
ولبس احلامك غنج ثوب الحرير
شدني ليك الشوك حب اعى الرحاة
الروح وي اجفوف رحاتك تدير
نغم الاهات ركصني الهيام
لاشوف الشيب تحسبني جبير
الفوك راسي ثلوج كثرها الزمان
اسبابها انت وهلي وظلم العشير
اسبابها لمن احب ماكو بديل
لو تخبل بيك لو شاعر اصير
الدنيا بعيون الغني سلة زهور
وعتمه تعمي الوانها عيون الفقير
اشجابني لبيتك ادك بابك عليك
عمي وين بيوتنه وبيت الامير
انت بيتك للنظر جنة خيال
والبلابل غنت وفوكك تطير
مو مثل بيتي خرب كبل الخراب
وليفرهد ملكه بس الحصير
باك من البيت كونية ظنون
رادها تطلع شلب طلعت شعير
ارجو ان تروق لكم

راقت لي وبشده
ايها المبدع كنت كما
انت رائع تحياتي
وخالص ودي وحترامي

الشيخ ابو حيدر انت المعين والدافع لي
للكتابه والابداع حياكم الله وحفظكم