الظلام اشگد صعب وتخاف منه الناس
بس كلش سهل من توگـــــف الشمعه


مادام الهوى بيد الله كلشـــــــي ايهون
چذاب اليگــــــــــــــــــلك يگدر ايمنعه


ترى الماشي ابدرب والدرب ماماشيه
خل ايدير باله ويحســـــــــــب الوگعه


والرايد يدور رگعه للــــــــــــــمفتوگ
كون وي الفتــــــــــــگ تتوالم الرگعه


الخايف من يدنگ من يجيـــه الخوف
مومـــــــــثل اليصلي وتنحسب ركعه


اكومــــــن الزلم بالعجل دمعه ايطيح
واكومنهـــــــــم يموت ومانزل دمعه


فرق بين الذهب عن النحاس اهواي
وغشـــيم اهواي ذاك الغشته اللمعه


اخذأبسط مثل في مكه شنهو الصار
ويه المصطفى ومن چانـــــت اتبعه


وأولهم بلال النزع جلده الــــــسوط
بس أيمانه ثابت محد ينـــــــــــزعه


واحچيـــــلك بعد في كربله العباس
من شد عل الفرات وزينب اتودعه


صح گطعوا أچفوفه وصح وگع عباس
بس ذكره بقى وماواحــــد ايگطعه


هذن كلهن حقائق وانظر التاريخ
مونســـــج الخيال وتنحســــب بدعه


درسناهن درس من چنه بالارحام
وحفظناهن حفظ من كملت التسعه
راق لي

رائع كروعتك سلمت ايليا

اختيار رائع اخي العزيز

رائع كروعتك سلمت ايليا

شكرآ حبيبي ع مرورك المميز
منور يا ورده

الله عليك ايليا الغانمي تحياتي الك تسلم على الاختيار الجميل دمت بالف خير

اختيار رائع اخي العزيز

الرائع هو مرورك اختي العزيزه
تحياتي يا غاليه